[FW] 幫律師樓做左幾年野，發覺有D人成世捱生捱死，根本係咎由自取。

有些人真的很固執,又不聽人的勸告....十分無奈.....emoticon [FW] 幫律師樓做左幾年野，發覺有D人成世捱生捱死，根本係咎由自取。 http://forum.hkgolden.com/view.asp?message=606922 我成日覺得，做人完成左自己本份後，先有權去怨天，怨社會，怨際遇。但係好多人，尤其係中國人，即使活於相對人權自由度比較高既香港，對個人權利既意識可以話係慘不忍睹。 1. 有D呢，就覺得全世界（包括我）都欠左佢咁。 某甲：懲生，我要告我老闆。 我：你想告佢咩? 某甲：我冇做錯野佢無啦啦炒我。 我：無啦啦? 佢兜口兜面就咁叫你走呀? 某甲：佢話出年會將我個department調埋上東莞間廠，叫我以後stay係上面做野，我唔肯佢就炒我。 我：你係間公司做左幾耐? 某甲：一年鬆D啦！ 我：咁佢有冇補番晒D通知金，有薪假果D俾你? 某甲：咁你D佢又俾番晒我，但係我入黎做果陣冇話要返大陸架嘛！ 我：咁你老闆有權咁做架wor！佢用你唔著的話，正常裁員！補番晒俾你咪得囉！ 某甲：但係我冇做錯過野wor！呢D擺明無理解僱啦！況且我有頭家要養佢知架！ 我：但你老闆冇犯法wor！冇犯法點告呀? 某甲：懲生，你幫我諗辦法啦！ 我：不如你去搵勞資關係科同勞資審裁處先啦！（註：我已經唔想同佢講落去） 某甲：頂！果度N咁多表要填，又麻煩，又搞得耐。 我：咁你都要做左先架！正常程序係咁丫嘛！ 某甲：不如你幫我搵個律師出律師信俾佢啦！或者佢收到信會肯認錯賠償呢！ 我：律師做野要收錢先架wor！ 某甲：我冇錢請律師呀！最多嬴左之後找數，再分D俾你啦懲生，我聽人講好多律師都係嬴左先收個客錢架啦！ 我：果D係法援case黎架！一係你申請法援囉！ 某甲：頂！果度N咁多野要填，審批又麻煩。 我：咁點幫你唧? 唔R你又怕痕，R你又怕痛。就算個律師肯賒數俾你，萬一搞完一大輪先發覺你老細冇錢賠，個律師咪白做?（火都黎埋） 某甲：律師唔係幫人爭取公道架咩? 幫下我啦懲生！ （最後，我俾左職工盟個電話佢就冇再理佢） 2. 有D呢，就任人魚肉，仲要社會代佢承擔，一D腰骨都冇。 我：你老細做咩炒你呀? 某乙：冇，早幾個月出街俾車撞倒入左醫院，上兩個禮拜先放完病假，老細叫我唔使開工喇！ 我：咁差佬有冇告對方司機? 某乙：有，認左罪啦！ 我：咁你可以claim對方架車個第三保wor！ 某乙：唔喇！費事搞咁多野啦！反正社署都有津貼俾我。 我：你放完病假就冇架啦！我幫你搵律師告佢啦！ 某乙：唔喇！咁麻煩，萬一輸左D律師費邊個俾呀? 我：開頭要你俾果D有限錢！再唔係咪申請法援囉！況且差佬都告入埋佢你仲怕咩先? 某乙：咪一樣麻煩！ 我：咁你又冇工開，冇收入點算呀? 某乙：洗晒咪綜援囉！ （原來要為佢地既不幸負責的，係整個社會，而唔係疏忽既車主同司機，理由就係傷者怕麻煩，真係夠曬振振有詞） 3. 另外亦發現有D打工仔，尤其係地盤同酒樓，成日俾僱住拖欠人工，一拖就閒閒地一年半載。成日叫佢去追，去問大判，去告，去勞工處投訴，死都唔肯聽人講，驚去追就會俾人炒，成日都抱個希望，就係信老細當初承諾有錢/收到尾數就會出糧。叫佢地叫老細show D單據出黎，抵押D應收帳俾佢地，講明幾時找數，寫欠單，簽個人擔保等以顯示出糧誠意，佢地就冇一句肯聽我講，寧願聽D老細空口講白話。 卒之等到老細收齊尾數喇，咪又係捲埋張蓆執笠走佬！到時就一哭而鬧三上吊，上勞工處哭訴，嘈人地D職員辦事不力，一味淨係識claim破欠增加社會負擔，再唔係就走去地盤做番場大龍鳳，危坐天台！但事前就粒聲都唔出！ 當然有D老細好蠱惑，佢又唔會一蚊都唔俾，每個月兩三千咁出住先，等你告佢又唔係唔告又唔係。問題係得果兩三千夠你食飯定夠你搭車? 為果雞碎咁多同一個空泛承諾，值得咩? 你唔食你屋企都要 食啦！