逼科寫實篇: OT原因探討之一

逼科寫實篇 --- OT原因探討之一 : project based by 一個不再是逼科的奴隸 既然大家對逼科咁有興趣, 我就share 下 o係逼科既野.... 其實成日話係逼科做要OT 到死, 除左係因為client d 公司又大又多之外,個人覺得 係逼科本身既practice 有問題 其一就是 用 project based 既制度去做job : 即係, 一個audit staff入左一個audit group, 佢唔係屬一個唯一既 manager 管理, 而係有job 既時候, 所有果個group 既Managers 都可以自由咁 "book " 呢個staff 落schedule去做佢既 job, ........情形就好像舞小姐 有客既時候會俾人book一椒 (唔好意思, 呢個比喻純粹攪笑) , 但係唔同既係, 舞小姐都係有一個媽媽生接order, 但係, o係逼科度 , 就由 幾十個"媽媽生" (managers) 可以book 你.... 這個就是問題了.....project based 既制度下, 你沒有一個真正既"老闆".....即係o係 job A 度, 你係 in charge, manager 係王小龍,但係當個job schedule完左, 你o係job B度, 你就under senior 李小理 , 同manager吳美麗,如果個job 真係話完就完 你可能覺得無乜問題, 但係逼科最pk 的就是book 你既時間一定無法將一個job 完全complete, 即係, 你可能隨時要同一時間服侍 3個 人, 點解? 因為: job A 完左 , 開緊job B, job A manager王小龍先review 完個file, 將一堆既 query 要你清 , manager 睇完 , partner 又出query,但係你o係 job B 度既時間可能趕到pk.....於是你就會係 深夜OT OT OT......如果你手上的job 全部都係d 短schedule 如果你手上的job 全部都係d 短schedule, 你就pk.....因為你可能成身job 同時清 3 至 4個job....因為短schedule既job 一定唔能夠即時做晒d 野..... project based 制度另一攪笑的地方就係 好多時令到 同一個job可能week 1 係陳大文係 in charge, week 2 就係 你 (因為week 2 陳大文已經被另一個job "book"左) ,陳大文week 1可能問左client 好多野, 聽左好多 , 但又唔寫低又唔會話你知........跟住manager 可能求其brief 兩句就叫你攪掂佢.....咁就要恭喜你了....... (1) 你要由頭睇一次呢個client 究竟做緊乜呢 ? .....review d client business , document 同 group structure (2) 究竟week 1 陳大文做到邊度 status?......又要睇一輪 , 如果陳大文做得衰既話, 有好多手尾要跟, 你就pk 了, 你可能要o係呢個week 將佢d 手尾攪掂埋...., 如果佢好多野都唔寫低, 你可能睇黎睇去都唔道發生緊乜野事.... (3) 好多時你要重新問個client 野...試想想......好地地既job攪到由兩個甚至多個staff in charge, 乜都要由頭睇一次,咁唔efficient....有乜野可能唔駛 OT? 仲有, 如果我係client 就真係 火都黎埋,同陳大文講過既野 , 可能又會再問 另一點想提, 更慘係無人會可憐你既處境........因為你沒有一個真正既"老闆", d staff, in charge 同manager 既關係就係果個project, 做完就下個job, 又另一班人, manager 當你只係一件完成個project 既工具, 完成既 byebye 你死定生唔關佢事,我覺得呢種制度下無人會做得開心同起勁., d staff 都唔會對公司同上司有任何既歸屬感...... --<<這就是 .... 逼科>>---