情陷夜上環 ~ 會計界從此風起雲湧02

情陷夜上環 ~ 會計界從此風起雲湧(ch2)
~ by 一個不再做逼科的奴隸 ~ (ps:那間Big4快要由永安中心搬去Pacific Place......你知不知是那一間呢?emoticon)
****本故事純屬虛構，並無影射任何人物，公司，行業及其從業員 ********

這夜．．．．．ＭＡＣ（萬豪會計）公司annual dinner於一大型酒店盛大舉行，出席員工都打扮得華麗隆重，當中不乏女性打扮得性感一點，吸引不少男員工注目

ＱＵＥＥＮＩＥ ：ＣＨＡＲＬＥＳ，咁早到呀
ＣＨＡＲＬＥＳ　：哦．．．ＱＵＥＥＮＩＥ，我地ｄ男仔唔似得你地女仔要打扮到咁，都係著件西裝就行，所以咪咁早到囉
ＱＵＥＥＮＩＥ ：ＣＨＡＲＬＥＳ真係識講笑．．．聽講尋晚你o係公司又做到好夜走喎
ＣＨＡＲＬＥＳ　：係．．尋晚ｒｅｖｉｅｗ個同事ｗｏｒｋｉｎｇ到兩點鐘．．．無計，呢行係咁．．ｄ野一趕就停唔到
ＱＵＥＥＮＩＥ ：嘩．．ＣＨＡＲＬＥＳ做野真係好盡責投入．．其實我真係好佩服你．．．有醫生唔做，走黎會計界做柯跌（ａｕｄｉｔ）”捱世界”．．．
ＣＨＡＲＬＥＳ　：唔．．．．（考慮了一會）．．哈．．．其實我怕血嘛，果陣又見到報紙成日話會計吃香，渴人，又人工好快有幾皮野，我貪佢呢行以為只係計下數坐o係office好似好歎咁．．．咪轉過呢囉．．．點知原來仲慘過做２４小時ｏｎｃａｌｌ既醫生　！
ＱＵＥＥＮＩＥ ：哈．．．你又講笑喇．．．邊個睇唔到ＣＨＡＲＬＥＳ你係呢行既奇材丫，由唔識會計，到ｃｏｎｖｅｒｓｉｏｎ　ｐｒｏｇｒａｍ，轉眼間就咁快上到呢個位
ＣＨＡＲＬＥＳ　：哈．．．講到上位，我邊夠ＱＵＥＥＮＩＥ姐你在行丫．．．一手搶左咁多個上市IPO同上市大ｃｌｉｅｎｔ

這時．．．．酒店的管理員突然走過來向員工們說：大件事．．天台有個女子．．．好像是你們的職員，她情緒很不穩定．．．好像想跳樓自殺．．她好似叫ＣＡＮＤＹ．．．．不知你們其中有人可以試勸服她

此時，ＭＡＣ員工們驚聞消息．．．．整個晚宴隆重的氣氛突然變得緊張起來

在場的程萬豪聞言，即向酒店管理員道：d 細路女鬧脾氣而已，麻煩你．．．唔好驚動警方住，我地會攪掂．．．
程萬豪隨即問ＱＵＥＥＮＩＥ及ＣＨＡＲＬＥＳ：佢係你地邊個ｇｒｏｕｐ既人？上去睇下個細路女
ＱＵＥＥＮＩＥ：程生．．．．ＣＡＮＤＹ．．．係我個ｇｒｏｕｐ既人黎．．．可能佢岩岩失戀，加上岩岩有個ｊｏｂ又趕，個傻女一時睇唔開．．．．如果我上去．．．我怕可能令佢情緒激動．．．（其實心諗拍麻煩，如果其下屬真的跳樓死會惹她麻煩）
程萬豪 向員工問：你地邊個同佢熟，快ｄ上去睇下佢．．．．
此時員工們竟然全都有點猶豫．．．．有些根本不熟悉此同事，有些即怕上去後會目睹慘劇或勸報不遂而內疚

ＣＨＡＲＬＥＳ對員工的冷漠或猶豫感奇怪，並第一時間說：程生，等我試下，我雖然唔係讀會計出身，但係對佢地心態都好熟悉
程萬豪 ：好！ＣＨＡＲＬＥＳ，就等你處理呢件事，記住，同外界人說話要小心，要顧及公司形象
ＣＨＡＲＬＥＳ ：程生，我知點做的

ＣＨＡＲＬＥＳ趕至天台，只見ＣＡＮＤＹ身坐天台邊緣．．．．十分危險．．
ＣＨＡＲＬＥＳ ：等等．．．ＣＡＮＤＹ嗎．．．．我係另一個ｇｒｏｕｐ　既ｍａｎａｇｅｒ，ＣＨＡＲＬＥＳ呀．．．
ＣＡＮＤＹ哭著道：你唔好埋黎呀．．我知你係好經理黎．．．．但係你唔駛理我架喇
ＣＨＡＲＬＥＳ ：有乜唔開心，咪講出黎，有乜野唔可以解決到丫．．．．
ＣＡＮＤＹ ：我男友話我份工唔知乜野工黎．．．無可能晚晚通頂到幾點．．佢話一定係有第二個呃佢．．．佢唔要我喇．．．我覺得好痛苦，份工除左做ｊｏｂ之外，乜野都無，我已經連續幾個星期由一至日做通頂．．．屋企人．．見面都既時間都無 ．．．．突然間覺得好似乜都無咁．．．．．工作既壓力更令我透唔到氣．．．我真係想就咁跳落去！．．．．嗚
ＣＨＡＲＬＥＳ ：ＣＡＮＤＹ，千祈唔好，人生永遠是有希望的，你咁後生，駛乜驚無男友姐．．再者，如果你真係唔慣呢行既壓力，唔做呢行，仲有大把機會發輝．． 大把人唔係做番自己讀果科喇．．你睇下
我，我都係醫科出身．．．都可以毅然轉投呢一行．．成功做到呢個位，你都可以做得到的．．．
ＣＡＮＤＹ 聞言大悟 ：．．．．我真的可以嗎．．．
ＣＨＡＲＬＥＳ ：一定得，只要有決心同努力，仲有，如果你就咁跳落去，對得住你既親人嗎．．我讀醫科．．．更體會到生命既可貴，唔想你就咁浪費左．．．
ＣＡＮＤＹ 掙扎想了一會 ：．．．．我諗我想通了．．．ＣＨＡＲＬＥＳ．．．多謝你．．．我知點做的．．

終於憑著ＣＨＡＲＬＥＳ的遊說，解決了ＣＡＮＤＹ跳樓自殺的小風波．．．但就此事揭示予不了會計界專業既鮮為人知的辛酸和無奈
經程萬豪和ＣＨＡＲＬＥＳ的”粉飾”下，只向外界稱有員工為情所困，鬧情緒，實個別事件，並無和公司壓力等問題扯上連繫．．．．
ＡＮＮＵＡＬ　ＤＩＮＮＥＲ亦圓滿舉行， ＱＵＥＥＮＩＥ的ｇｒｏｕｐ獲頒”最快完ｊｏｂ大獎”，”最多上市ｃｌｉｅｎｔ大獎”作員工獎勵

事件後的一天，ＣＡＮＤＹ向ＱＵＥＥＮＩＥ辭職了．．．事件亦告一段落

另一邊廂，沈ＳＥＡＳＯＮ，一位樣貌娟好，於應屆畢業的大學會計系女畢業生，由於ｉｎｔｅｒｖｉｅｗ時表現較緊張，未能於畢業即時進身大會計師行逼科，眼見其他畢業同學都高興地進身逼科工作，因而悶悶不樂，最後受聘於一間小型的本地會計師行（ｌｏｃａｌ　ｆｉｒｍ）．．．．人工自然比不上，但生活尚算穩定，工作時間亦不算長，可是，這是她工作了一個月的一天，．．發生了事改變了她的一生．．．．
＊＊＊＊欲知：沈ＳＥＡＳＯＮ會發生什麼事？ＭＡＣ，會計界會發生什麼風起雲湧？

－－待續


----
角色：
ＣＡＮＤＹ－－過場角色
ＱＵＥＥＮＩＥ－－張聞遲 ：ＭＡＣ　兩大ｇｒｏｕｐ之一ＳＥＮＩＯＲ　ＭＡＮＡＧＥＲ，為人刻薄，喜歡壓逼下屬以最快完成工作，被下屬稱為”女魔頭”，亦懂常用姿色ｌｕｍ客戶，因而取得很多上市公司的大ｃｌｉｅｎｔ，其名言是：”總之我只在乎個結果，至於過程我唔mind既！”
程萬豪－－謝老四：ＭＡＣ　主席
沈ＳＥＡＳＯＮ－－葉船：大學會計系女畢業生，出身ｌｏｃａｌ　ｆｉｒｍ
ＣＨＡＲＬＥＳ－－四眼辰 ：ＭＡＣ　兩大ｇｒｏｕｐ之一ＳＥＮＩＯＲ　ＭＡＮＡＧＥＲ，為人正直，顧及他人感受，體諒下屬，本身出身醫科，但不知什麼原因，突然毅然投身會計界．．．