情陷夜上環 ~ 會計界從此風起雲湧01

前言:
見到情陷夜中環拍第2 集, 忽然奇想點解 醫生律師拍劇拍到爛, 宜家連保險界都有劇集做主線題材,點解偏偏 就係無 會計行業 做主線 ?......係d 編劇廢唔識野 ?定係根本間接反映會計呢一行無乜人知又無乜社會地位?
(不過唔入都入左行, 就全力去馬.........)
其實會計界 可以幾有趣 又可以同好多劇集題材發輝.........我就試下用"情陷夜中環"既大綱去改編, 套用一 d 會計柯跌野順便當同大家分享下,****本故事純屬虛構，並無影射任何人物，公司，行業及其從業員 ********
~ 一個不再做逼科的奴隸 ~ (ps:雖然不識他,但真的很好笑!!!)

故事發生在一名會計畢業女仔ＣＡＮＤＹ．．．．

ＣＡＮＤＹ獨個兒呆坐在碼頭．．．打起手機

ＣＡＮＤＹ ：ＱＵＥＥＮＩＥ？
ＱＵＥＥＮＩＥ：你捨得覆電話拿？你個team d 人成朝打羅咁搵妳呀！你個job 攪成點呀？
ＣＡＮＤＹ ：．．．呀．．．我．．．經理．．我要請假呀．．嗚嗚．．．
ＱＵＥＥＮＩＥ：痴線! 你個job 攪掂咩 ？今晚仲係公司annual dinner
ＣＡＮＤＹ ：．．．我 ．．．俾．我男友飛左．．．．我．．要時間平伏．．．．


ＱＵＥＥＮＩＥ：你d 私人野關我乜事 ？ 有野緊要過個job？
ＣＡＮＤＹ ：．．有冇攪錯！．．．今日係星期日．．仲要我返工．．．我已經連續幾個星期由一至日做通頂．．．請假永遠唔批．．．．我有事都唔理我感受．．．你知唔知我做左呢份工．．．我同我男友見既機會基本是零．．．星期日可以同佢一齊食早餐已經係好幸福．．．佢話我果份工唔知乜野工黎．．．無可能晚晚通頂到幾點．．咁多野做．．．佢話見到報紙明明話我地公司有 "九時政策"，無理由講大話，話我一定係有第二個呃佢．．．我點解釋都無用．．．
ＱＵＥＥＮＩＥ：你d 私人野關我乜事 ？ 總之你個job 攪唔掂你唔駛旨意放工！請假更加係妄想！
ＣＡＮＤＹ ：．． 死８＿，一日都係你，．乜野爛job都做又set個無可能完成既deadline．．．．你仲．．．逼我同個客做．．．．．．數！
ＱＵＥＥＮＩＥ：你宜家講乜野？．．竟然咁同我講野．．．總之．．我只在乎個結果，過程我唔mind既！
ＣＡＮＤＹ ：．． 死８＿，一日都係你，．．．宜家我人生好似乜野都無．．親人．．見面都無時間 ．．男友．．又俾佢飛埋！
ＱＵＥＥＮＩＥ：神經病！胡說八道！你去死吧！

～cut 線
ＣＡＮＤＹ ：死？．．．．好．．．

ＭＡＣ（萬豪會計）是某一家香港的大會計師行，於會計界名聲遠播是由程萬豪一手創立，身為ｐａｒｔｎｅｒ之首，ＣＥＯ主席，其公司有二千多名員工，每年請百多名會計畢業生及非會計畢業生．．．其總部設於上環這夜．．．．．是公司的annual dinner，有趕job的同事竟然要繼續做job．．其餘的才可出席．．出席的都會打扮一番，因為可能是唯一的"餘興節目"

女職員Ａ：睇下，．．果個咪係ＱＵＥＥＮＩＥ？
女職員Ｂ：女魔頭ＱＵＥＥＮＩＥ嘛．．．離遠都認得佢個影喇．．成日著到鬼火咁靚．．姣到死．．
成日勁"卒" d 下屬，自己就唔係點做野，好在我唔係果個ｇｒｏｕｐ，係ＣＨＡＲＬＥＳ果個ｇｒｏｕｐ．．．．
女魔頭係就識?client，有人傳佢同大ｐａｒｔｎｅｒ有野添．．．唔係點會上得咁快．．．．好似ｆａｓｔ　ｔｒａｃｋ左幾次．．宜家先咁快成為兩大ｇｒｏｕｐ之一ＳＥＮＩＯＲ　ＭＡＮＡＧＥＲ
女職員Ａ：下，．．唔係掛？
女職員Ｂ：唔知喇．．．我都係聽番黎
話說之際．．ＣＡＮＤＹ突然出現．．．．險些衝倒這兩名職員．．．

女職員Ａ：有冇攪錯？．．．趕住去死咩？．．．．
咦？．．．佢咪係ＣＡＮＤＹ？．．．佢做乜坐ＬＩＦＴ上番去？．．．

＊＊＊ＣＡＮＤＹ會否就咁跳樓死？

－－待續

----
角色：
ＣＡＮＤＹ－－過場角色
ＱＵＥＥＮＩＥ－－張聞遲
程萬豪－－謝老四
沈ＳＥＡＳＯＮ－－葉船
ＣＨＡＲＬＥＳ－－四眼辰