2006年4月2日星期日
情陷夜上環 ~ 會計界從此風起雲湧04
~By 一個不再做逼科的奴隸
上回 :
沈SEASON於一間本地會計師行(local firm)工作了一個月...因被指工作上有缺失,半屈下被炒魷...
在萬念俱灰下巧遇大學師姐SELINA,答應會幫忙搭路.........
另一方面,CHARLES致電SELINA,傾訴同事企圖跳樓事件,原來SELINA曾經是CHARLES女友,...
****本故事純屬虛構,並無影射任何人物,公司,行業及其從業員 ********
----------
CHARLES:我只是開始懷疑我放棄醫科,投身會計界的決定是對與否....
SELINA:你現在已是MAC大會計行的高職位,公司文化你可以慢慢適應
CHARLES:你應該知道我為了誰而轉行吧...
SELINA:.......CHARLES...我明你的心意的.....但係我真係無要求過你轉埋呢行......
CHARLES:你根本唔明我心情......你知唔知自從妳第一年出左黎大會計師行做野之後,....我同妳既距離就好似越來越越遠,...妳成日通霄做野唔得閒.....每一次見面妳既話題就會轉到工作....乜野...邊個client幾衰...邊個senior又點壓迫妳...果晚又要通頂同d同事點一齊攪掂d數........當時我覺得o係妳既世界入面好似只有工作...
仲要係一份我唔了解既工作......我只可以講幾句支持妳既說話之外,仲有乜可以同妳分享......當時我覺得我開始唔明妳既心境同情況........
SELINA:....雖然你之前沒真正講...我明的...CHARLES,你就咁做左果個決定.....
CHARLES:.........可能妳會覺得好傻....就咁放棄醫科...
但係我真係想投入想明白妳既世界,妳既心境,...唯有投入呢行先可以真正體會,與妳分享工作既喜與悲,...拉近我地既距離...
雖然我入唔到妳間大會計師行BIG一齊做野....我對呢行了解好多...
我知道.....雖然我地宜家大家了解多左.....但係大家都各有各忙左一排...
SELINA,我地仲有冇機會........
SELINA:..CHARLES,...我真的感激的..我好APPRECIATE...但係俾D時間我.....工作又咁忙,我未有時間考慮我地之間既關係......不如我地唔好講呢樣野住....
我有D野想你幫忙........
CHARLES:.........幫忙?...好,妳講
SELINA:..我有個師妹今年畢業....岩岩被間local firm無理辭左...我覺得佢係叻女黎...只係唔夠運...咁岩我這邊又未請人......CHARLES,你果邊會唔會幫到?
CHARLES:.本來都未請人....咁岩有同事走左....應該都需要人....可以試下...好,妳叫佢搵我
SELINA:..好....我通知佢...CHARLES,唔該你...
再講番...沈SEASON被炒魷當日...於街上流連至晚上才回家,免母親擔心其被炒之事...
回到家裡,吃過飯後...
想起自己未能跟大學同學考入大會計師樓(逼科),現更想不到會連local firm都做得不好而被炒,....心情跌到谷底.....終於忍不住哭了起來
SEASON母親已察覺,詢問下終於得悉....
SEASON:媽,...我對你唔住...入唔到大會計師樓拎高薪厚職....宜家連local firm都做得不好
媽..我係唔係好無用.....我真係愧對你一番供我讀書.......
SEASON母:傻女黎.....邊個話我個女無用....我個女唔知幾叻,...只係一時唔夠運...
我當時都叫妳唔好讀會計....不過妳既然當時咁中意咁想讀,..我都無阻妳.....
SEASON:媽....點解妳成日勸我讀會計....
SEASON母:....哦.....無..呢行都唔知D人做乜既....讀醫生律師咪幾好....
SEASON:媽...我諗通喇....既然我已經揀左....我唔會咁易放棄.....我要話番人聽我沈SEASON唔係無用,我一定要o係呢行有作為....
SEASON母:....
此時,SEASON手機響起....原來是SELINA...通知SEASON可以聯絡CHARLES,經介紹試見工入MAC萬豪會計..
SEASON:媽...好消息.....我師姐介紹我入一家大會計行見工........
SEASON母:..係?...係哪一家?
SEASON:是,MAC萬豪會計...媽,妳問黎做乜,都知邊家咩?
SEASON母:...(心情一變,有少計擔心)....哦,無....咁咪好....妳恨左好耐,努力...
SEASON:我一定會努力......媽,我唔同妳講,我要準備下見工...今次唔可以再衰....
SEASON母:(心諗.....唉....點解會係....萬豪會計...轉折間..都係避唔到..唔通係天意.)
到了,SEASON到MAC見工當天.......SEASON一早出門....到達MAC萬豪會計於上環的辦公大廈...
SEASON:嘩...裝修好莊皇....大會計師行,果然唔同....
於大堂,SEASON見有LIFT,即衝上前....豈料LIFT門即自動關上..險些將SEASON夾倒..幸好有一位男職員及時按開門...
SEASON:呀...唔好意思,先生...唔該晒你..
JOHNNY:唔駛客氣....咦....同事,好生面口喎,.妳係邊GROUP既?
SEASON:哦....我係黎見工既....
JOHNNY:咦,妳按5樓?係唔係CHARLES 果GROUP?
SEASON:咦...你點知....是的...
JOHNNY:我都係呢GROUP....希望可以會見到妳..(LIFT已到)...我走先
SEASON只好笑著點頭...
終於見工,由CHARLES親自見SEASON,看過SEASON的RESUME,便問了幾條簡單的問題,之後再談話
CHARLES:妳既情況,SELINA都同我講左好多...我都明既
SEASON:我一定會好努力...做大會計師行係我既志願....我有信心可以做得好...
CHARLES:好...SELINA都讚妳係叻女....應該無乜問題,有我推薦妳,機會會好好多,我地而且都要人手..
SEASON:CHARLES,好多謝你,....咁我駛唔駛再見PARTNER...?
CHARLES:呢度比較特別...我地老闆好忙...,我地年年請咁多人,佢都好少會自己見,通常會交俾我地見人,我地RECOMMEND,佢睇過OK就會請....
我地呢度分兩個大GROUP....一個就係我,一個就係另一位女經理...通常由老闆分配入邊GROUP...我都希望妳入番我GROUP....大家有個照應....不過呢樣要老闆決定...
好,SEASON,妳或者番去等消息.....
SEASON:好,CHARLES,好多謝你
幾日後....於程萬豪的辦公室裡...正審閱文件....看到沈SEASON的申請表(附相)...
CHARLES:程生....呢位係我推薦既新人....
程萬豪跟CHARLES說:呢個女仔幾靚喎...無問題.....咦,QUEENIE果GROUP咪岩岩走左個人,應該入QUEENIE果個GROUP岩佢多D.....CHARLES,你無問題呵?
CHARLES:呀...程生.....無問題...你話事..(苦笑接受)...
****欲知沈SEASON入大會計師行會發生什麼事?如何發展?SEASON母為何不想SEASON入會計及MAC?
--待續
----
角色:
沈SEASON--葉船:大學會計系女畢業生,出身local firm,對未能跟大學同學一同考入大會計師樓而心有不甘,...一次機緣下重考入MAC工作,展開其新生活
CHARLES--四眼辰 :MAC 兩大group之一SENIOR MANAGER,為人正直,顧及他人感受,體諒下屬,本身出身醫科,突然毅然投身會計界,原來是為了想了解前女友SELINA的世界,補救轉淡的關係,可惜沒有得到SELINA的感動...
QUEENIE--張聞遲 :MAC 兩大group之一SENIOR MANAGER,為人刻薄,喜歡壓逼下屬以最快完成工作,被下屬稱為”女魔頭”,亦懂常用姿色lum客戶,因而取得很多上市公司的大client,其名言是:”總之我只在乎個結果,至於過程我唔mind既!”
SELINA--嘉泳:曾是CHARLES女友,因SELINA工作投入,兩人關係殭化進入冷靜期
JOHNNY--MAC職員,SENIOR級,屬CHARLES的GROUP,本身為人樂於助人
程萬豪--謝老四:MAC 主席
訂閱:
發佈留言 (Atom)
沒有留言:
發佈留言