FW : 皆旺門口d女實在好討厭!!

讀過保險法,知道保險真的十分搵笨..所以每一個terms都要知清楚...例如買火險的就唔包因爆炸而起的火災... 最有力對付一些不清楚的條文是一個叫Contra Proferentum rule的concept.. - Where there is ambiguity in the context of an insurance policy, application of the contra proferentem rule has the effect of construing the policy wording least favourably against the party who drafted the particular wording, using the insurer. - Limitions to the court's application of the contra proferentem rule i) If application of the rule creates an ambiguity, or an irrational result, it may not be used. ii) If the wording was prepared by the broker as opposed to the insurer, the contra proferentem rule may not be applied in the usual way. The broker is the agent of the insured and if the policy is prepared by a broker, ambiguity may result in a construction of the policy against the assured and in favour of the insurer. 皆旺門口d女實在好討厭 借做問卷為名其實昆人買保險 阻住晒條路 經常都有友仔比人昆在上一樓 ----------------------------------------------------------------------------------------------- 大錢題: 美女布陣　小巴困客　友邦踩界促銷 本月初， 保險業監理處公布上年度的臨時統計數字， 豐及生的個人保險市場佔有率， 合計高達兩成三， 再度超越身為業界龍頭、佔一成九市場的友邦。銀行對保險公司的威脅已迫在眉睫。本刊發現有友邦代理另闢蹊徑，為了促銷保單， 租用小巴作流動保險據點， 配以青春少艾攔途截客，吸引年輕男士上車買保險。然而， 部分少女代理賣單時急就章， 不單未盡代理責任解釋保單， 更離譜至扣起客戶身份證和信用咭逼買保單， 有受害者落車時， 甚至不 知自己買了什麼。 十九歲的Chris ， 本月初某夜途經旺角火車站時， 忽被臉撲輕妝、衣著斯文的少女Ting 截住， 「佢都幾絕， 我聽緊歌嘛， 佢一手扯甩我個耳筒， 要我幫佢做問卷。」但見伊人苦苦哀求， 他不好意思拒絕。答了四條問題， Ting 叫他到車上看問卷的分析報告， Chris 不虞有詐， 隨她上車， 怎料原來是看友邦的保險建議書。在車上， 雖然保險類型、年期、手續費等， Chris 一概未清楚， 但Ting就慫恿他先簽咭「hold 住個limit 」， 謂不會過數。入世未深的Chris ， 糊裡糊塗簽了年供萬元的保單。回家後， Chris 告知母親， 其母感到不對勁， 翌日偕同他前往保險車理論， 才成功截數。 像Chris 般於街頭被少女保險營業員說服買保險的事件， 其實日復日在發生。每逢入夜， 旺角、深水等人潮熱點， 均見一班樣貌娟好、作OL 或短裙打扮的少女， 以進行市場調查為名， 不斷兜搭年輕男士。她們攔、跟、拉、追， 施展渾身解數， 目的， 就是截停途人， 帶返保險車慢慢推銷。而由於車內環境狹窄， 甚難脫身。 推銷三部曲 為直擊這種推銷手法， 記者單獨於旺角西洋菜街一帶閒逛， 果然引來友邦游擊車隊成員Heidi 前來搭訕。 第一步： 問卷起底 「喂哥哥仔， 你做邊行？ 」「你食唔食煙， 成日旺角行街咩？ 」一身白衣斯文裝束， 手執問卷的Heidi ， 以近乎酒吧獵艷的口吻， 意圖打開話匣子。記者胡謅做地盤， Heidi 即加兩錢肉緊， 趨前以身體攔記者， 嗲聲說： 「嘩！ 你做地盤， 唔怪得知咁大隻啦， 成千蚊日喎。」說時不忘輕拍記者的手臂， 露出讚嘆之情。問了數分鐘無關痛癢的問題， Heidi 終入戲肉， 「咁你有無信用咭， 有幾多張？ 有無帶身先？ 」業內人士解畫， 問是否有攜帶信用咭， 直接決定能否即時簽單（closing ） ； 得知收入多少， 則可「度身訂做」保單， 看似簡單的問題， 暗藏玄機。 第二步： 誘客上車 其後， 她藉詞拿儲蓄計劃章程給記者， 引領記者至一輛友邦保險車。上車後， 但見車廂內約有八個卡位， 已然客滿， 清一色是少艾正向男士們落嘴頭推銷保險， 或搔首弄姿， 或秋波暗送， 熱情洋溢。記者甫坐下， Heidi 即施展激將法說： 「唔係話叫你買保險， 係幫你儲錢， 咁大個人唔係儲唔到係嘛。」但該計劃名為「尊尚保」， 當中人壽保額高達百萬港元， 她的介紹可謂非常失實。 第三步： 軟功客 Heidi 見雙方呈膠狀態， 更起身前來與記者並排而坐， 施展軟功， 「傻瓜， 我都係為你好咋， 唔通你唔想儲錢娶老婆咩。」她又搏命嗲記者， 交出信用咭「hold 住個limit 」先， 暫不過數。最終記者堅持要她留低咭片， 回家考慮， 她卻連番推搪， 又以身體阻擋記者離開， 軟硬兼施再推銷半小時見無成果， 即變臉道： 「咁你走得喇！ 」連門也不替記者開， 判若兩人。 本刊前後四度「放蛇」， 發現手法萬變不離其宗， 例如有代理扮資深從業員， 實則考牌僅一年； 未買單前堅拒派咭片， 免被放蛇投訴； 訛稱「hold 住個limit 」唔過數， 但三天後信用咭已扣數等。 月入三四萬 這班保險美少女， 每朝十一時先返公司處理文件， 直至下午三四時出車， 在街邊站崗至晚上十一時才下班， 每天工作逾十二小時， 但收入相當和味， Heidi 說： 「每個月賺唔到兩、三萬， 就不如做個文員仔好過啦… … 有同事一個月搵到一層樓首期！ 」有知情人士說： 「佢做張每月供一千蚊單， 如果即交一年保費， 就有八千蚊佣， 平均月入成三四萬。」Heidi 又說， 她初入職時只是問卷調查員， 以月薪計算， 去年才正式轉為保險代理。她指出， 每架車的新人， 會有「媽媽」湊住， 「媽媽會因應番你咩類型， 然後教你搵客， 有溫柔， 有可愛， 有惡。」所謂的「媽媽」， 其實是資深的保險代理。在街頭推銷保險的李小姐表示： 「街頭截客好處， 勝在可以即刻見面， one-time-closing （ 即時簽單） 機會大。」不過簽單快， 斷單亦快， 李說： 「佢返到屋企諗兩諗， 可能覺得唔妥， 所以簽十張有五張單會斷！ 」但其實， 代理亦預客人有此一， 一資深保險代理分析道： 「叫客用年繳形式俾錢， 係好精， 如果每月俾錢， 個客斷單都易，反而年繳， 一過冷靜期， 退保蝕好多， 好多人會寧願繼續供落去。」 安泰人壽代理始創 以流動保險車打游擊， 藉青春少艾作招徠， 業內人士透露， 是由安泰人壽（ ING ） 前代理黃暉始創。一名保險公司高層說： 「佢入呢行只係幾年， 聽講以前係讀中醫。」據保險業聯會的登記資料顯示，黃暉九九年取得保險代理人登記。該高層續指， 有傳黃暉是從其他行業搵靚女入行， 後來部分更成了持牌保險代理人。○ 二年開始， 已有苦主向保監處和傳媒投訴， 指有安泰人壽的代理扣起客人身份證逼買保險， 「○ 三年尾時， 佢team 人實在俾人投訴得太多， ING 覺得搞到形象好差， 點知後來過AIA （ 友邦） 。」該高層說。根據保險業聯會的資料， 黃暉於○ 四年八月加入友邦， 一名友邦前代理表示， 黃當時帶了逾廿人過檔。 黃暉加入友邦後， 重施故技， 現為友邦營業區域Premier 的區域總監。而黃暉和他任大股東的公司名義所持物業， 市值五千五百萬， 賬面賺一千二百萬， 全是他任職保險後這七年間購入。記者曾到友邦Premier區辦事處找黃暉， 他只記者聯絡市場部， 拒絕回應。 前年開始被豐、生超越人壽市場佔有率的友邦， 招納此安泰舊部， 已押下名聲作賭注。「友邦而家一味要谷數， agent 咩招數都夠膽出， 我接受唔到， 所以冇做啦！ 」曾任職友邦代理十年的周先生嘆道。 見招拆招 如被保險游擊隊纏上， 對方行為過分， 大可報警求助。根據《簡易程序治罪條例》第6A 條， 任何人在公眾地方， 不斷請求他人購買任何東西， 或光顧任何業務， 以致對該人造成煩擾， 可被檢控； 首次定罪可被罰款一千元， 再犯則可被罰款二千元， 並監禁六個月。 若糊裡糊塗買了保單， 自覺不適合， 可於冷靜期內退保， 並取回全數保費。所謂冷靜期， 是指簽單日起的廿一日內， 或保單發出日起十四天內（ 以較後者為準） 。亞太壽險總會會長黃錦輝建議， 應自行以書面通知保險公司的客戶服務部退保， 勿找代理， 「有agent 可能會拖住你， 過冷靜期要俾退保費， 損失會好大。」 盈保美男招客 除友邦外， 本刊亦發現盈科保險以俊男取代美女， 用近似手法於太子地鐵站附近街頭賣保險。上週四， 記者前往放蛇， 一名相貌甚為俊俏的男子Terry ， 向記者推銷儲蓄人壽保單。Terry 與記者對坐， 距離不到一呎， 不單態度溫柔， 更暱稱記者「傻豬」。簽單完畢， 還體貼地叫記者小心睇車。雖功了得， 但作為保險代理， 則肯定唔合格。全程不單無解釋保單細節， 其後記者再致電查詢， 更敷衍道： 「我幫你check 張單到未先再覆你啦！ 」但等足兩日， 該代理一直沒回覆。