傳銷直銷 , 小心注意事項

曾經讀中學時跟同學上過去聽, 幸好當年夠堅持.....最後連一枝洗頭水都沒有買...哈哈emoticon 我兩個同學仔就買了很多貨, 不知他們最後有沒有賣晒呢???emoticon 還有一點, 在香港層壓式推銷手法係犯法的...... 勸各位傳銷直銷都唔好做 , 總之有以下特點就要諗清楚 : 第一係要自己先比錢買貨 , 打工要比錢買野有無攪錯 , 你諗諗如果件貨出唔到手 , 公司遲遲唔退錢你都幾閉 , 如果件貨有問題你睇漏眼 , 之後公司唔認數你又點算 ? 第二係層壓式運作 , 何謂層壓式運作就係有上級下級成 team 人, 上級食埋下級部份佣金 , 如是者下線越多收入越多 , 唔理下線做到 $1 定 $10 生意 , 總之多個幫手 sell 野佢地就賺得越多。 因此收得人多就越好, 因為你 sell 唔到 , 你身邊朋友家人都好大機會幫下你象徵式買野 , 呢類公司好多時就係靠洗腦方式半推半就咁迫你去屈身邊人既錢。 第三係自稱高科技 , 又話直表廠定野訂貨特別便宜。 一件貨值幾多大家應該有個約數 , 好多時那些傳銷直銷公司就係聲稱高科技發明 , 講出都唔明佢講什麼 , 總之價錢比同類型產品貴幾倍都仲會同你講直銷先至咁平。 以同行中被公認為最有良心既 Amyway 為例 , 一隻高科技平底獲都賣千幾銀 , 仲話直銷價所以特別平 , 咁大既大話如果你真係信 , 我相信無人幫到你。 應付無良直銷傳銷朋友手法 : 一個字 , 定 , 最緊要定 , 唔好比佢說話所騙 , 更加唔好因為想脫身而就犯 , 一蚊都唔會比。 相信很多人都有類似經驗 , 朋友話約出來傾野 , 傾傾下上左去間不知名既商廈 , 內裡裝修給人大公司感覺 , 又有一大班年青有為既工作人員 , 男既有型有活力 , 女既年青又貌美 , 個個口材了得又熱心工作 , 所有人既目標就係向幾位得高望重既上線學習 , 成為年菥過百萬既打工一族。 當中又有很多高科技新奇野 , 講幾樣比你聽你聽完都一舊雲 , 但係佢地個個都好似好明咁。 然後正式攻擊開始 , 佢地會輪住圍攻 , 企圖在一天之內洗你腦迫你入會 , 如果你到呢個時候才知道發生咩事 , 唔洗諗啦 , 一走了之 , 佢地一定藉口多多留低你 , 唔好理佢 , 你再聽都係浪費時間 , 至於帶你上去既朋友呢 , 老實講 , 呢位朋友你唔好嬲佢 , 佢都只係其中一位受害者 , 不過無論點都好 , 暫時要同佢斷六親 , 一於當唔識 , 話走就走 , 行到呢一步態度咁強硬 , 佢地發覺軟功唔得就會開始用硬功 , 開始埋怨你浪費佢地時間 , 又會話你無用無出色 , 唔好理佢 , 你有本事就串反佢 , 自問口才唔夠佢地好就一言不發走得啦。 我就試過把心一橫同佢地玩 , 玩哂所有產品先至走。