最近都很忙，雖然PCLL已經考完哂試，但都要上為期兩星期的Bar Course。不過自己覺得同我自己想像可以學到有些少出入。這兩個星期主要有幾日係學下一些drafting(Opinion drafting, notice of appeal, Reply and Defence to Counterclaim)，同教一些技巧去examine, cross-examine一些expert witness。
自己想像中Bar Course應該是以小組形式，教你那些地方要問得多些，那些唔應該問。不過現在小組就小組，不過就是等我們自生自滅，還要找個人看住我們。講真，連看我們那個先生都覺得無聊同hea。Drafting真的很悶，個個都hea做。我上Bar Course都只是想學多些上court既技巧。Drafting人人style都唔同，又有precedent，真係唔應該focus甘多的。
雖然現在做solicitor，不過唔緊要，因為一樣可以學到很多法律野。自己對practical的法律知識，都只是局限於以前做audit時候看到人地d contract，做legal search看看有沒有contingent liability，bulk print時看到律師對這樣對那樣。不過自己真係對法律(暫時都叫做係)有興趣，希望做多一些法律野。細路不斷叫我去考CFA，學多些finance knowledge，不要太局限於法律，不過我想真係唔多想計數。HKICS會考埋剩返果幾科會係我近來的目標，如果將來做in-house，com sec野係必要的。不過將來的事真係沒有人知，太久的plan來都沒用。不過大方向都依然要有。
大家信唔信報夢? 上兩個星期發夢看見已經過了身的爺爺，還帶了佢係附近行。我依然記得佢當時十分之後生，好像自己細過時佢來探我一樣，還有他健步如飛。記得佢過身之前，都住了很耐療養院。爸爸每個星期日都會去看佢，幫佢抺臉，買些日用物品佢。開頭都可以用手杖行兩步，之後就落唔到床了。同佢接觸得最多的地方就係同佢去醫院body check，爺爺脾氣很大的，很夠中氣。爸爸話俾我聽，爺爺係一個很好的木匠。在家裡很多野都是自己做的，出面的騎樓都係佢落很多石屎做的，不過現在因為是illegal structure，所以早排已經demolish了。
在夢中同佢行了很多兒時的地方，到最後突然佢唔舒服，行唔到。我同爸爸立即去扶佢，打算送佢去醫院。我記得佢同我講要好好做人，這就是佢的遺言。之前佢過身都已經講唔出野，可能佢擔心我所以特登返來同我講。我答應佢我一定會好好做人的。記得以前去探佢，佢很開心我做會計師，因為佢希望我同爸爸細路一同開firm。知道我做會計，佢很開心。不過無論將來如果，我都會好好做人的，不論做會計師，律師定其他。爺爺，我很掛住你，請原諒我這個不孝孫．．．．
沒有留言:
發佈留言