「80後」再看Big 4

今日在discuss既會計討論區看到一篇題為「一個在迫科的奴隸(80後版)」的文章，關於現今係Big 4工作既辛辣史。記得好多年前自己自己都寫過一篇係Big 4工作的文章 -- 「想唔想在Big 4工作」。現在看來其實裡面既環境同我當年係裡面做一樣甚至更加既衰。人始終都係那些人，要佢地變，難矣。那些人，只要有錢便是娘，佢地又點會分俾d員工。記得當年同現在既Big 4既包裝一樣，講什麼「Balanced Life」。Bull Shit! 根本什麼都沒有改變過!

雖則「天下烏鴉一樣黑」，但沒有比這裡更加黑。或者跟會計師打工特別衰。榨就榨到你盡，又克薄。最好就人工少少，你既工時就多多。功課不但要交足，最好佢連望都唔駛望。現在雖然轉了行，但同一樣既事情都一樣發生，幸好還有少少時間就完成training，可以離開這裡。找工作，我自己都不太擔心。加上，我自己已經一早準備好，應該都不是問題。

不知大家信不信紫微斗數呢？從前我認為係迷信，係唔科學，命運應該掌握係自己手裡。但係依家經過我多次觀察，其實都十分之可信的。

張 博士係我以前讀法律既Tutor，佢就係我畢業之後唯一有keep contact既先生。佢係一個工作狂，但係除左工作，佢既唯一既興趣就係研究紫微斗數。我同幾個同學都俾佢看過，真係唔到你唔信。佢看完這個什麼宮係什 麼什麼，之後就查返佢本王庭之既天書，真係十分之準確。這裡不是叫大家沈迷，而係佢有時會俾你一些指引，知道自己應該順景時要點做，唔順景時就要特別注意 什麼什麼。

大家好像覺得作為律師係唔應該信一些咁唔科學既野。但我經過我自己的親身體驗同觀察都紫微斗數點講我既其他同學，我就覺得紫微斗數都係信得過的。係行業之中，數最信風水命理其中一個就係陳景生資深大律師。

從來我對宗教或命理都唔會一開始就十分之抗拒。始終人所知道的是十分之有限。記得有一次自己夜晚訓訓下，全身都動不到。突然之間，有一本聖經不知從那裡飛來，咁我就可以動了，之後就醒了。所以，說實的，世界上很多野都解釋不來的。