單車之樂

近來時時心思思想買單車騎。單車，係繼足球之後自己最喜歡既運動。自己本來很久都沒有想話踏單車，但係很久前無意看到星屑醫生個Blog裡面一篇文章介紹Strida，於是就心思思時時想去買架來騎。

無可否認，Strida又幾靚仔。我最喜歡就係佢可以好方便咁摺，出入地鐵都唔怕麻煩。要知道係香港，可以騎單車的地方真係唔多。要係馬路度踏，細過既時候就未食驚，現在就真係怕怕了。香港d人揸車亂咁來，更車又貼。我都不知道為什麼條馬路咁長都要揸咁貼，講真啦，從後撞到前車，已經presume你錯，因為在馬路係strict liability，你停唔切就一定錯啦！自己唔著數都去做，真係傻！前排看到discuss既單車group，有一篇題為「在馬路騎行的感想」的一篇文章，原來很多在路上駕車的人，甚至係警察，都不知道單車都係交通工具既一種，係可以係馬路上行駛的。

之不過現在我都未決定買Strida，我是怕佢性能不比其他摺車而影響駕單車的樂趣。現在還是1516咁，究竟買Strida定係Dahon既SP8或者Jane呢? Jane個外形都幾靚，有些曲線...嘻嘻，而且還有得轉波，上斜就唔驚唔夠力啦！

自 己很少就喜歡駕單車周圍去，全個地區都唔知留下幾多我既腳毛。有一樣很好笑既野。話說當年自己很喜歡一個女仔，佢係住得很近我的。記得畢業既時候，我俾左 本紀念冊佢寫。而佢竟然寫最記得我就係在附近騎著淺藍色既單車，又一次差點撞向佢度...哈哈哈！電暈左，連車都唔識騎呀！

原來很多往事現在只能回味。