每逢這個時候都是Stocktake的日子，做audit的都預左31/12, 1/1, 2/1要返工stocktake。上水火車站車頭一定十分之多同事在等人去stocktake。我記得自己最多是take了係依個period take了五六個stocktake。女朋友剛加入「大四」今個period都要stocktake，不過佢就唔駛返大陸take。其實上大陸即日來回，都幾辛苦。搭完火車又要轉client車，用係travelling的時間有時仲多過take的時間。
自己沒有太多特別的stocktake經驗，來來去去都是一些IC，電子野。不過，有一次都幾特別的．．．．
就是去間酒店度stocktake。酒店通常都是裝修得美輪美奐，個lobby一定很grand，很high class的。但原來風光背後，佢地既office通常都設係basement。office，員工canteen，廚房都是在沒有窗口的basement，在那裡工作都幾辛苦的。還有，裡面很多時候都沒有裝修的，俗稱half-furnish，只有少少裝修。記得印象最深刻就是要入佢既雪房度點野，我自己就沒有著大樓就同client快快甘點幾隻，之後就快快離開，都幾攪笑，因為震住來點。
有時自己都幾喜歡stocktake的，因為可以看到唔同既野，可以看看佢既raw material到finisihed goods的工序，都幾有意思的。有一次去一間大鞋廠，原來d鞋底係用白膠漿黏上去的，真的大開眼界。又有一次去布廠度點，d布一卷卷很長的。我都是抽一兩卷看看佢的長度同佢寫的有沒有出入就算，其他就rely on client所寫的。
自己stocktake都沒有太多突發同驚險野，但識得有人去煤礦場stocktake就出事。d煤山很高的，好像一個小山甘。要estimate個數量就要上山去看。但「朋友」佢第一次去stocktake加上沒有去煤礦的經驗，一行上去就有大風吹來。d煤屎係好細粒，所以大風吹就吹上佢身，還有些吹到入眼。之後1月１日就要立即返來香港去看急証，幸好都沒有事，不過一返來見到佢成隻眼都紅哂都幾嚇人。
其實stocktake找d junior去，你話有什麼specific野，例如obsolete stock都未必看到。不過，唔去又唔得甘解，因為會qualify左個report。去到stocktake都係d client話什麼就什麼，佢有心騙你，你都沒有可能知道。不過stocktake最緊要係看看有沒有movement，有一次去到，竟然有貨入來！！！！
真係玩死，因為一早就想快快點完，快快走
真係玩死，因為一早就想快快點完，快快走
如果講stocktake出事，最大wok就係DTT(德勤.關黃陳方)最出名的廣南案，九八年的香港廣南事件，由大股東粵海企業的銀行融資安排受到廣信倒閉時影響，廣南的賬目需要新審核，由此暴露出該公司的賬目出現問題。於九九年廣南大幅撇賬到十四億港元，其核數師宣布辭職和撤回九九年核數報告。當時的Senior同我講返，出事最主要係個魚塘出問題。好像當時estimate個魚塘個size唔岩，所以影響到estimate塘裡面魚就唔準，做少左provision。（不過我都唔係好記得係唔係甘，有錯請更正）
通常stocktake都會做埋physical inspection一些貴價的機器，見到d custom-made的機械都幾特別。當然最後會同佢影返d靚相做record啦！不過以前沒有digital camera的，所以真係要記得甘多隻機械d名，時時都唔記得邊部打邊部的．．．．哈哈
沒有留言:
發佈留言