我的世界盃

2年前，我想都沒有想過自己有機會可以看2010年的世界盃。

4年前的奇妙之旅，隨著大簡交回大力神盃而結束。

這次南非世界盃，本該有機會親身去看的。但隨著治安不佳的消息，最終都未能成行。現在想來都有些覺得可惜，始終可一不可再。

有看開我的Blog的朋友都會知道的最喜歡的是意大利隊。可惜今年踢得實在很差，賽前都預左今次世界盃會丟臉的，但都想唔到會踢得那麼差，連16強都入唔到。如果可以再進一步，我相信都應該入到四強。意大利條走線其實真係比較易踢，不過自己唔爭氣，怨不得其他人。保方第一場比賽受傷，大簡又失魂，前鋒既伊亞昆達又大而無當。現在想來，如果有一些星級前鋒在陣可能唔會咁差。真係懷念有恩沙基、迪比亞路、東利，有佢地可能都會入到下波。現在前面連Hold住個波都做唔到。

不如講下其他隊。在我心目中，今次世界盃最強既球隊唔係現在的西班牙，而係巴西。如果唔係輸俾條白痴仔又own goal又紅牌，當日巴西應該輕取荷蘭。今屆巴西最要命的係佢小組入滲，相比起西班牙只得橫傳橫傳又橫傳，明顯地巴西撞入去果下有威脅得多。對荷蘭那場，卡卡已經開始上力，如果俾佢踢多一兩場，今年冠軍一定不是西班牙。

另一隊，我想講的係德國。我想很多人都會同意德國有大量的年輕球員湧現，如湯馬士梅拿、奧爾斯，佢地年輕有活力，令到德國機動性很強。我自己覺得德國對西班牙那場，如果唔係排陣出錯，德國未必唔夠西班牙踢的。德國唔應該學巴拉圭、瑞士，甚至係國際米蘭對巴塞隆納時，去守西班牙。德國唔係好似意大利咁打開防守，佢地應該打返自己平時一貫既踢法，而唔係學巴拉圭同瑞士去守西班牙。人地平時打開守勢波，你唔係又臨時去學，最終咪輸。

看完琴既場波，荷蘭入到決賽真係走狗運。真係唔明當初佢地係點贏巴西的。佢地上半場踢得好茅，又穿心腳又成，應該係賽前既佈署，圖以嚇怕對手，等人地就住就住踢。不過真係踢得太過Ugly啦!今年其實除了對巴西果場，荷蘭都唔係踢得特別好。入球同有威脅都係得洛賓一個。

講完球隊，不如講下球員。今年大部份星級球員都令人很失望。C7，朗利踢得不知所謂。怪只可以怪國家隊唔係球會，始終少了些支援。我想講下之前人人捧到天上有的所謂「地上最強」既美斯。我想大家看完佢今次既表現，所謂「球皇」都係過譽。我自己就真係見識少，未見過球皇係踢成咁。佢連基本要交波都唔識交，五六個圍住佢，佢都依然係死去死扭，簡直不知所謂。以前學踢波都有教適當時候做適當既野，應交時就交，應射時就射。

其實今次世界盃看得最無癮可以算係球證既執法水準。應入既就話越位，有些入左既原來看清楚d係越位在先，看到人無哂mood! 不公平，原來真係好無癮的。國際足協其實就係一個私人俱樂部，黑箱作業。唔知點解全世界既足總都係咁，可能越唔攪高科技去幫助執法就係可以等佢地依然可以操控賽果，這些疑慮唔係沒有可能的。大家睇下今次世界盃既非洲球隊就可以知道佢地(除了加納之外)真係搵食波來的，特別係尼日尼亞，真係十分之假。還有一隊我懷疑係搵食波既係塞爾維亞，大家睇下維的球手球，真係沒有可能相信唔係打緊假波。很多人都話巴西係打假波輸俾荷蘭，但這一點我就唔認同。美路踢波鳩下鳩下，作為祖雲達斯既球迷都應該相當清楚佢幾咁唔掂，並唔係一朝一日既事。如果唔係下半場係咁，今次冠軍應該係巴西。

過完今次世界盃，4年後的巴西世界盃會是如何？我究竟在做什麼呢？4年後的場次聽聞時間都唔太合適：12pm、2:30am同6:30am。相信雖然時間那麼差，香港依然有很多人會看。