龍出沒~!

危險！小心！請注意！

最近心緒不靈，每晚都訓得唔太好。原因？就是某日晚上俾我係房間發現了一隻 -- 鹽蛇。

鹽蛇，俗稱四腳蛇係益虫(其實，佢都唔係虫???)，會食屋企出現既小強。不過，我自己就真係好驚佢地，雖則佢地仲驚過你。可能佢地果種粉白色既身驅，真係幾樣衰呢！

其實佢地係我屋企都有一段時間。我記得係大約四五年前，之前見佢多數都係係露台同飯廳多，但今次係係我間房度見到，都咪話唔驚。我已經有幾晚訓得唔好，時時都驚佢唔知係邊度出來。最記得細過，屋企人講話佢地會爬入你隻耳仔入面，真係超驚！等我訓下又醒下，訓得十分之唔好！

都唔知佢地係點來我屋企，可能係出面爬入來。唉，都唔知佢地幾時會走。千萬不要入我間房就得啦！

以下係有高登既網友影到佢地捉小強既情況，十級驚嚇的！