讀part-time的趣談

最近在新聞組看到以下留言：

「 毒Part time要有一種心態，唔理你做成點，抄又好，作又好，你交到o野就有人肯收，有人收o左你就有分。o的同學仔/同事毒得辛苦，好多時都係過唔到自己o個關，毒書唔同做o野，乜都精益求精遲早玩死自己…」

今天我們就談談讀part-time。KKK版友有以下回應：「子曰行有餘力則以學文。」自己認為知識是自己的，有能力讀就應該讀好些。自己沒有心機讀,得過且過,最終讀完什麼都唔識, 有什麼意思?

講真，自己對那些「只係為囉張沙紙呃飯食，日頭仲要返工，勁多o野做，返學o既冇乜必要盡量唔想諗咁多… 」的人有些反感。其實很多時候都只是一些借口，返工是很累的，但又不代表不能應付，如果可以其實是可以做好些。 但一開始已經是抱著這種心態去讀就真的很討厭，因為佢地從來都沒有想過盡量做好些。有些同學返工放很夜，都依然堅持返學，雖然是遲到，但十分之令人尊重。他們真的是好有心去學的，不是一開始只是來囉張沙紙呃飯食。返不到堂，他們會問同學仔拿錄音，之後真係會返屋企聽返的！！

不過那些「為左果一紙證書, 好讓給老闆有個交代」的人真的很影響身邊同學的學習的。班上有一個同學名叫「長毛」（不是立法會議員)，我不知佢是否很忙，但每堂都會坐最前還要大模斯樣甘在上堂時訓覺，真的很令人側目。試過有lecturer都對佢十分之不滿，但都沒有佢辦法，因為佢俾了錢上堂。佢除了頭髮長之外，真的很奇怪的。上堂係就係訓覺，但又自己會錄音的。都來了上堂，真的不知道佢為什麼唔真係聽書，唔通佢還會返屋企聽返錄音帶先可以訓得著覺？佢同那些真的是返工很辛苦，上堂太累，頂唔順才fishing的同學不同。佢真的好像當了lecture room是自己的睡房一樣，準時返來就是睡覺的。

其實教part-time不是易事，特別是法律。很多自以為事的人會challenge lecturer的，少一些真材實料都教唔掂。班上有一個同行又是一些上市公司的non-executive director最喜歡就是話人教得唔好，有些係就是教得差，但有些都教得幾好的。佢就時時話人只是教一些基本野，沒有教得深入些。但他可能忘記了其他同學可能只是第一次接觸，這些基本野都未識，試問點未學行先學走呢？

不過都不是有很多奇怪的人的，班上面還有很多很勁的人，有世界青年領袖，有「獅子銀行」的部門總經理，有區議員，自己真的在佢地身上學了很多野的。還有消防員，警察，分享佢地日常的工作都是十分之有趣的。