帶狗狗行街，主人要多點看住佢

剛知道一個唔係太好的消息，上個月帶拖肥行街看到街邊有個告示：

拖肥十分之喜歡的狗狗不見了～～

如果平時有看開我的blog都知道拖肥有個偏好，就是十分之喜歡白色的西施狗狗。每一次在街上看到白色的西施狗狗經過，拖肥特別緊張的。西施狗向東行，佢就跟向東，用個鼻鼻不斷嗅 。

這隻狗狗其實已經識了很耐了，拖肥一開始返來香港，初次帶佢來鯉景灣玩已經識得佢了。不知為何，拖肥特別喜歡這隻西施，佢又不是特別靚過人，可能是某種味肥肥特別鐘意。佢主人是一個C9來的，時時晚上都看見佢的，還迭了一件衫仔俾拖肥呢～～

不過上兩個月(12月6日)，那隻狗狗(Dolly)不見了，我都是看到街招才知道的。 前兩排星期日帶仔仔出去，都不見其他人提起，以為搵返了。

但上星期突然某狗友提起才知道現在還找不到。另一個狗友就撘口，原來Dolly已經不在了。在不見了的後幾天已經有人發現Dolly的屍體在一個鞋盒裡，放棄在一個垃圾桶內。聽到都很唔開心，始終是識得這隻狗狗的。

這個主人平時帶狗狗出街都是不帶狗帶的，雖然狗狗很乖，時時都慢慢地跟在後面，但狗狗有時都會認錯主人，行了出馬路的。自己就時時刻刻都跟住拖肥，就算放了佢都會在他後面。我真的很怕有一日唔見了佢，有一次一轉頭唔見左佢我已經很驚了，原來個衰仔走了去食野，所以看不到佢。有時主人都有責任的，放狗就不要只顧同其他狗友傾計，都要看看狗狗去了那裡的。

自己的拖肥是十分之stupid的，很多時都看不見主人的，有時又認錯人，所以自己一定會好好看住佢的。