出路之一

考完兩科考試，仲有兩科就完成學校生活(provided that Professional Conduct可以合格，唔駛re-sit。其實很多人都好驚，上年十二月考現在都未有成績，所以都知道一定有很重大的問題了）今天考完Commercial，我想很多同學都很唔喜歡這科，不過無謂背後講人壞話，反正都完了。

下星期會考埋Criminal Procedure同Accounting，竟然最後一科係考會計。不過這會計同平時有少少分別，係關於律師事務所的會計，不過其實唔難的。如果個老師教得清楚少少，就好些。 

考完試之後有少少時間休息，之後會上兩個星期的course係教點樣cross-exam  expert witness，再之後就差不多上工了。

之前有一段時間唔係太開心，不過想清楚真係可以做到大律師條路，對我來說越來越遠。現在已經唔可以不理一切去做事了，有父母要照顧，自己將來都有家庭。如果再去想，始終是太傻，太天真。沒有connection，沒有家人support一開始真係太難了。

最近聽一個網台，佢有一首主題曲都幾令人共鳴：「就係講理想有什麼錯！」

可惜我覺得唔擔負起負責，我會很內疚。父母同女朋友對我真係很好，我都要負起責任。 

其實有機會做到這步，我已經很幸運。

前陣子在想，唔知自己有沒有機會出國讀個Master。這個計劃可能要postpone十年了。 

 不過又唔代表我唔會去進修，打算考埋個HKICS，對我將來都應該有很大用處的。