迪士尼黑色世界

之前去了海洋公園既全城哈囉喂，原本沒有打算去迪士尼既黑色世界。可能聽到太多有的迪士尼既負面評語，例如：地方細、裡面的遊戲係俾小朋友玩、很多內地來的「文明」內地人等．．．

難得這個周未沒有預計中的超颱風，沒有預算中的橫風橫雨，所以之前沒有Plan去那裡好。聽聞迪士尼附近的迪欣湖十分之美麗，加上自己帶了相機出來，所以就出發去那裡看一看，希望可以影到一些漂亮既相。

去到那裡，我就覺得十分之興奮，一來自己未來過，二來坐地鐵去迪士尼途中既地鐵上已經可以看到很多得意可愛既迪士尼人物。到達那裡時間尚早，大約都是5:30pm左右。看到迪士尼門外可愛既米奇在鯨魚上滑水，終於都是忍不住入一入迪士尼看一看。同售票處的職員傾過，原來迪士尼不同海洋公園那麼早開放，要大約6:30pm左右先開。見還有些少時間，所以就到了位於迪士尼北面的碼頭和酒店看。碼頭好像因為遲些有鐵人賽關係，所以沒有開放，不過都不知道個碼頭的船是去什麼地方的，因為左看右看都找不到有關的資訊。不過在碼頭那裡影相都十分之不錯，遠望出去的景色十分之迷人，加上有建築有歐陸風格的迪士尼酒店在旁，在那裡漫步格外舒服。大約差不多六時，就坐酒店的Shuttle Bus回程返回迪士尼正門。

正門那裡已經十分之多人，個個都在門前等入門。但相對起海洋公園，人流都不是十分之多。不過覺得唔同的是，去迪士尼玩的很多都是小朋友，但去海洋公園的多是十多二十歲的青少年。

6:30pm，樂園開門。我就把握時間影很多相。拿了地圖之後，就想想到那裡玩先才好。由於自己是第一次去香港的迪士尼，所以一切都十分之新鮮。入到去，第一樣見到的是一個富有美國特色的小鎮。可能自己比較為食，一想起美國小鎮就想起美國既粗薯條及熱狗。行了一會，在那裡已經看到鬼影幢幢，氣氛十分不錯。

由於未來過迪士尼，所以都不知去那裡。問一問工作人員，知道6:45pm左右，在美國大街小鎮會有Show看。所以我們都在那裡等了一陣，看一看商店有什麼東西賣。這場Show不算十分長，大約10分鐘左右。但是都十分之吸引，美國大街隨著漸漸入黑，穿著歐陸服裝的鬼鬼門都紛紛出來。整個美國大街都瀰漫著一片恐怖氣氛．．．

晚上的迪士尼的人流比較少。由於之前沒有來過，所以想找那裡有鬼屋玩都不是易事。今年的迪士尼設有兩個鬼屋，但我們都沒有第一時間去那裡玩，而是選擇去玩機動遊戲及滿足一下兒時的夢想。雖然自己不是第一次去迪士尼，但香港的迪士尼就是第一次，感覺很特別。上一次去洛杉磯的迪士尼剛巧病了，今次終於可以玩個痛快。

第一個站去了玩Winnie the Pooh，之後就迷迷糊糊地去了小小小世界。夜晚的小小小世界真是十分之漂亮。由於人流不多，所以都不用等太久。可能自己對自己夢幻的世界特別有好感，所以玩得特別開心。"It's a small world afterall" - 這個世界原來是十分之細，人對比起世界之十分之渺小的，所以應該把握有限的生命做一些有意義的事。

小小小世界入面，十分之華麗。看到來自不同世界造型既公仔真係想去旅行。現在最想去的地方是內地、日本及台灣，或是返回多倫多都是一個不錯的選擇，希望遲些有機會去啦！

在小小小世界入面聽到廣東話版的「世界真細少」，女朋友十分之感動，還留下淚來，因為在其他地方的迪士尼是聽不到廣東話版的。女朋友真是十分之可愛啦！

當然，裡面還有香港的場景。

玩了各樣遊戲，當然最要緊是看迪士尼的巡遊。迪士尼一晚有兩場「夜光鬼魅巡遊」，所以如果錯過了第一場，之後晚少少都還有機會可以再看。首先出來既當然就係Jack啦，之後是一眾Monsters同Zombies．．．

最後，當然唔少得Micky同Minnie。

看完巡遊，之後就玩了其他的遊戲。當我地玩Space Mountain時，女朋友很好笑。佢問點解d人一定要坐部過山車既最前果卡，佢話d遊戲只係俾小朋友玩，好似之前Winnie the Pooh同小小世界咁，行個圈就完。點知，就．．．

「出事啦！」

當架過山車一開動，四周變得一片漆黑伸手不見五指，好玩刺激既過山車就變成一間恐懼鬥室．．

玩完之後，女朋友驚到喊了出來。哈哈！

當然，記得看迪士尼的壓軸煙火表現。我自己就覺得十分之精彩！可惜自己企的位置不是太好，加上沒有帶腳架，所以就影得唔太好。

來到黑色世界，當然少不了到鬼屋探險。之前都講過，這裡有兩間鬼屋，一間係位於美國小鎮大街旁的「大街詭異酒店」，另外一間就位於比較荒蕪的「森林魔塚」。

「大街詭異酒店」係比較大間的鬼屋，裡面裝修同氣氛不錯，驚嚇位都相當多。很喜歡酒店裡的各種陳設，十分之有古舊既感覺。自己十分之鍾情古舊的物品，例如撥號電話、舊式冰室等，所以這間鬼屋十分之合我心水。建議大家看完迪士尼的煙火表現之後，就要趕快來這裡排隊。當日都等得唔算來耐，大約二十分鐘左右。之不過，全個鬼屋行程就唔算得上太長，得軒六分鐘左右。

另外一間「森林魔塚」既鬼屋唔算上多人排，可能同佢地點比較遠有關。同「大街詭異酒店」比較，唔算得上特別出色。

其實，除了鬼屋之外，樂園周圍都有很多鬼鬼的。當然，這裡的鬼既造型沒有海洋公園驚嚇，但這裡大街既氣氛唔錯，可能同周圍都有噴煙霧營做氣氛有關。自己覺得迪士尼同海洋公園，兩者定位其實好唔同，而且感受的都是不同，都值得去的。迪士尼除了鬼屋還帶俾你其他野，好似省卻很多早上要排隊玩遊戲的苦況；少見了很多「不文明」的行為，因為大部份夜晚來迪士尼的都是香港人，都很少聽到一些大呼小叫的行為。這些都是值得夜晚來迪士尼玩的原因。

Sushi Pizza

 

三文魚係我最喜歡的食物之一。而以上既Sushi Pizza更是我的最愛。記得第一次食Sushi Pizza係在多倫多位於Downtown既Sushi Times，聽聞該店是由彭岭既老豆開。Sushi Times同其他香港既日本壽司店唔同既地方係佢有好多卷文係香港食唔到的。由於Sushi Pizza係多倫多大受歡迎，所以其後很多食店都有Sushi Pizza食。其中位於Commence Gate既竹橋拉麵店更是我的最愛。前兩年返回加拿大渡假，不知食了幾多餐。返回香港，嘗試找回此美食，找了很多年都找不到．．．

有一次，在偶然的情況下，在寶琳發現了這間日本料理有我最喜歡的Sushi Pizza。但今次介紹的是位於佢長沙灣的總店。

原來這間店都有相當既歷史，從前常常經過都唔知道有這間店。裡面裝修比較舊，但都OK。如果多人，裡面還有間獨立房可以Book。

講返我最愛既Sushi Pizza。其實材料都是很簡單，就係在煎了的米糠上加上三文魚及其他醬料等。這裡的Sushi Pizza有三種口味:北海道、銀座及東京。自己就選了東京，因為佢既toppings係三文魚及其他魚生，不過就一點辣。自己個人都是喜歡加拿大既Sushi Pizza多一點。另外兩款，北海道既toppings係熟既肉，而銀座就比較適合素食者。當晚點了一些炸物，如南瓜天婦羅，都相當有水準。另外，值得推介係佢既鰻魚壽司，入口非常有質感，味道好食及十分之大份。

小金井長沙灣總店的地址: 深水埗東沙島街167E地下

而在寶琳的地址: 將軍澳新都城一期G5-6地下

海洋公園十月全城哈囉喂

剛由海洋公園返回屋企，已經急不及待要分享今日既感受。我自己覺得今年比上年更好玩，可能同我之前參考過網上既攻略，可以不用花太多時間排隊有關。今日一早就出發，大約3:30pm左右已經到達海洋公園正門。提提大家，出發前記得上網看一看開放時間，而且要早些少到。因為今日是星期日原本係4:30pm可以入場，但不知道為什麼突然早了半個鐘開門。這半個鐘都幾緊要，因為當抵達第一間鬼屋時，就剛好開門。因為參考過網上既攻略，我同女朋友第一間去既鬼屋係．．．

我地雖然係由正門出發，但係一開始我地唔係玩近正門果幾間鬼屋，而係直接搭海洋列車上山頂玩「喪屍反擊戰」。去到都還未開始入得，但係我自己就比較擔心，所以都只係在附近影下相等開門。

「喪屍反擊戰」係需要玩家拿起「鐳射亡魂槍」射係牆上既藍色感應器的。每射中一次就會有分數，所以走果陣記得睇下自己支槍既分數呀!我自己覺得一開始玩這個鬼屋作為熱身都係一個不錯既選擇。雖然這個鬼屋既場境係室內又唔係十分之驚嚇，但娛樂性十足，所以可以很快就玩得十分之投入。記得上一年十分之失敗去了一間有室外場境既鬼屋，加上到達時候尚早，天色還未灰暗，所以玩得唔係太有Mood。另外，如果你早來這裡(六時前)，佢會俾你一張Fast Pass，十時之後可以快些去玩大樹灣既鬼屋或「哈囉喂十年回魂館」。

玩完這個，我地就馬上趕去位於大樹灣既兩間鬼屋 -- 「彭氏兄弟之童眼」及「幽靈遊樂園」。這兩間鬼屋係其中最大的兩間鬼屋，所以驚嚇程度同內裡的裝飾陳設都是最好的。我地去到大樹灣差不多5:30pm，但這兩間鬼屋還未開放，所以都需要在外面等了一陣。

 「幽靈遊樂園」內裡係營造一個遊樂場既氣氛，感覺十分之不錯，驚嚇位都有很多。可能我地去到都是剛第一批入去玩既關係，所以d鬼鬼都好落力去嚇人，而我地就玩得很開心。由於那個鬼屋係入面最大既一個，所以都十分之有耐玩性。我建議大家一開始就好玩這個或童眼，因為之後我想再入去玩都沒有機會，太多人了。我估計過了九時，最少要排兩個鐘左右先入得去玩。

 「彭氏兄弟之童眼」係第三間玩既鬼屋。由於之前沒有看過童眼套戲，所以玩得唔算十分之投入。不過，裡面既氣氛都唔錯。在我地等排隊入去玩時，係大街兩旁既鬼鬼都十分之吸引人。佢地既造型很靚，而自己最喜歡係那個東海龍宮既海龍王，佢行得好慢，十分之趣致可愛。如果時間夾得好的話，那裡有一些大型既Show係舞台舉行。我同婷婷就看了兩個show。第一個係叫做「魔石、血、舞池」同「群星亂舞嘉年華」。我自己就覺得魔石、血、舞池比較悶些，但係群星亂舞嘉年華就十分之精彩，還有個美麗Dancer。

 玩完幾個大型既鬼屋，我地就殺上山玩。由大樹灣電梯上來，我地第一間見到的鬼屋係「粵夜惊魂」。去到出面都唔係太多人，大約二十人左右，排一陣就已經可以入得去玩。由於已經入黑，所以氣氛都不錯。在排隊等候期間，見到一個樵夫在水裡，大家就要小心啦．．．自己覺得這個鬼屋比較短。由於有些地方在室外，所以唔算太驚嚇。不過，相比起上一年同一位置既東瀛鬼屋，我就覺得今次做得出色很多。我想可能係地點氣氛既關係，與其他鬼屋唔同，排隊既地方有一些樹木，感覺好似自己在森林迷路，突然去到另一個地方既感覺。

 之後，我地就去了位於比較遠，在跳樓機附近既「巫術高校」。這個同時係我地排得最耐既地方。我建議大家可以買少少野食，一路排隊一路食，這樣就可以慳返唔少時間。提提大家今年海洋公園有一個「新」既安排，就係入場時會有一個check point，去check一check你有沒有帶一些外來既飲品同食物。據海洋公園所講，海洋公園係有一條附例係唔俾遊客帶外來既飲品同食物入公園內。之前，公園就有關既附例都沒有嚴格執行，但今次就嚴格很多，入去一定要檢查你既袋。講返間鬼屋，我自己就覺得麻麻地。可能在出面都等左幾耐既關係，入到去都沒有太大心機玩。其實來這間鬼屋係有short cut的。如果你由McDonald那裡行樓梯落去，你會見到有個牌叫你由此路進入鬼屋。如果你跟住去，就會撓了個大圈。但如果你唔理佢，再行多少少落去，過左個公廁再沿住海洋冰室上去就會快些少。

 這時候大約係七點左右，我地已經玩哂山上同大樹灣既鬼屋。我地之後就返回位於海洋公園正門既鬼屋玩。經由海洋列車，很快就到達山下。一出去，第一間見到既鬼屋就係「一人火葬場」，出面排隊既人唔係好多，大約都係十多個左右。我覺得這個遊戲都幾特別，係要玩家嘗試一下訓係棺材既體驗???

記得上一年個通靈實驗室，這個我就覺得好很多。由於係一個人玩既關係，係鬼屋出面有兩個棺材等你試下夠唔夠膽訓入去。記得自己都曾經到過兩次火葬場，一次係嫲嫲過身，另一次係爺爺過身。去到火葬場都沒有太看清楚火葬場既陳設。記得那個打齋個道士，佢話仙人火葬時唔可以望住佢地火化，唔係仙人就走得唔安落。因此，自己都沒有真真正正看一看火化時是怎麼的。所以今次係一個好既機會，等大家「瞭解」一下。

 再之後就去了近纜車站附近既「哈囉喂十年回魂館」。由於出面都唔係太多人，所以我地無用到張Fast Pass。這裡真係幾值得玩，裡面既陳設同自己日常生活有關，所以都幾驚嚇。我就玩左兩次多，真係幾好玩！如果叫我俾分，這個我覺得係第二好玩的。最開心就係，這裡有冷氣涼，行左咁耐，這裡排隊係比較舒服的。另一個好笑係見到海洋公園主席盛智文(Allan Zeman)自己著過既攪鬼衫既展覽。有一個造型還要是新娘裝！原來佢都係一個玩得之人。試問一個需要創意既主題公園又點可以由一個唔玩得既人做領袖？所以我都係覺得由一個鬼佬來做主席都係比中國人適合。中國人太唔玩得，時時都板起塊面。同下屬「相處」，很多時候都係扮親民，始終都有一個距離。

 最後一個鬼屋就係「熱舞吸血城」，裡面係模仿Disco。不過，由於自己很少很少去，所以就唔太有感覺。同埋，我覺得都唔驚嚇的。不過，有一度係要分開男女行。自己既女朋友就驚到行都行唔到啦。我玩完哂所有的鬼屋都是8:30pm多，所以今年都有很多時間俾我去影相。唔知係唔係今年排得無咁辛苦，所以覺得今年個event都幾好。

最後，提意大家跟以上既流程行: 「喪屍反擊戰」->「幽靈遊樂園」->「彭氏兄弟之童眼」->「粵夜惊魂」->「巫術高校」->「一人火葬場」->「哈囉喂十年回魂館」->「熱舞吸血城」

大日子

Admission 2010年9月18日

人算不如天算

近來十分之好學，趁有「假期」就不斷學野。本來機會難得應該去一去旅行出去玩下，但很多野人算不如天算，唔係話plan好左就一定沒有問題，有太多太多唔係你想點就點。好似「梅t菲理論」，要出錯就一定有機會出錯。唔係你以為一齊都check清楚就唔會錯，什麼事都有出錯的可能。所以我相信世事沒有完美的，唯有盡可能做到最好。亦都因為咁，所以從前讀審計時就知道Auditor係唔會保証盤數係完全沒有錯的。Auditor只可以俾material assurance既意見，因為知道世事係沒有100%完美的。

小時候都會想下究竟長大後會做什麼？「我的自願」相信大家小時候都一定會係中文堂作過以上題目，而我最想做就係做一個足球員。當時在想如果日日都可以踢我喜歡的足球你話係一樣幾咁正既事。不過現在想來做不到，都未嘗唔係好事。

我自己踼波其實都幾咁野火。

i瘋了............

近日除了敗左部iPad，就係網上敗多了部iPhone。自己係"3"既3G客戶，仲有半年約就到期。原本打算係"3"度訂就算，但係就算係網上register左，都沒有人更進你既情況，講起就一肚氣。其實除了我之外，很多現有既"3"客戶都十分不滿"3"厚此薄彼，只顧新客，不理仲有合約在身既蕭客。有一些係"3"成五六年既舊客都無機到手，但相反一d新客就咁Walk-in就有機。大家可以去discuss睇下這條thread，真係人神共憤。

趁仲有3個星期部iPhone 4先度，這幾個星期去了Systematic度學寫iPhone既Application。對於一個programme都未寫過既我，都可以話係一種挑戰。

個課程都幾全面，除了教你寫iPhone App既language - Objective C之外，仲教埋你點樣register做developer、點樣係Apple幫個app做認証、點樣掟個App上App Store賣等。原來就算將個App掟上App Store，都有很多程序。有人講解一下真係save唔少功夫及時間。

以下係課程既內容:

使用 Mac 機安裝及認識 iPhone SDK 4 iPhone 程式開發及編寫基礎觀念 Cocoa 簡介 開發工具 XCode 的操作及功能 使用者介面設計 認識不同的畫面元件 iPhone 程式設計基礎 獨特而強大的 Objective-C 程式語法 資料型態與運算式 條件式及迴圈 類別、物件及方法 進階 Objective-C 程式設計 Property List 資料檔案存取技巧 音訊和視訊播放 發佈應用程式到實體機及 App Store 大量編程實例

依家大約上了四堂，主要係教寫一個brower同寫一些programming既基本function，但係我已經覺得十分之吃力。我覺得比讀法律同會計難，d language簡直係火星文，要係個application做少少既動作已經involve好多好多既野。Apple係寫Application其實都有好多支援，原來寫個layout已經有好多template比你去選，唔太花功夫。但要application行某些動作，好似做一些可以轉頁既按鈕，就真係十分之麻煩。

自己時時用iPhone就用得多，原來寫係一個咁困難既事。不過都嘗算有趣，因為可以學到一些唔同既野，同埋對自己部iPhone有多一些既理解。

唔知大家聽完有無興趣去學呢？其實個課程除了會教iPhone既Application之外，你仲可以上埋佢個寫Android既班。不過自己對Android就無什麼興趣，所以就無去報。如果大家有興趣就要快d報啦，因為都幾爆的。我報果班已經係加開左既班，開頭果班已經full哂，所以要報名就要快啦!

iPad Saga is over．．．iPhone 4 Begins

全城熱話既人氣Product，當然非Ipad莫屬。

前一個星期已經聽到很多傳聞，究竟幾時出？部機什麼價錢？去邊度買？買果陣駛唔駛要強迫買一些不必要既配件？

幸運地星期五，我是其中一個買到而唔需要跟「豬頭骨」的Ipad準買家。我買了一部32GB Wifi版，本來打算幫個friend買多一部，但我係Broadway買就只限一人買一部。

當日其實自己都唔係好早去排隊，都係早了一個鐘左右。之前本來打算去Fortress買，但聽到已經有太多人排緊隊，所以就放棄Fortress轉戰Broadway。之前網上有傳聞話係Broadway買Ipad，一定要買埋d保護貼同Cases。我估因為咁，所以都沒有人排。買了Ipad返來玩左幾日，發覺真係好正呀，但係我仲未買Case呀! 這兩日經過特約店都心大心細，唔知有無原裝Case賣? 為什麼要原裝Case? 在網上forum做過些research，有些人係City Super買左皮套叫Tunewear，我自己就覺得比較厚身同貴，要成$398，如果我訓係度玩iPad會揸得好辛苦。另外，較早前去了灣仔電腦中心問有關原裝iPad Case要幾錢。佢竟然獅子開大口要$800，真係short short地!

之不過終於唔駛受氣河，琴日突然有好消息。Apply Store終於有得係網上訂iPad同佢既配件。我自己當然火速訂左iPad Case同Camera Kit啦！

玩左幾日iPad，以下係我既體驗：

第一樣見到佢個Calendar介面真係靚過iPhone好多，之不過在iTunes找來找去都找唔到點樣sync Google Calendar。如果無得sync，真係差好遠，後來在網上找到方法，就係在iPad裡面既preference度Add。詳情看以下Link:

How to Add Google Calendar to your iPad

另一個問題就係有什麼apps好裝?其實有一些iPhone時候用既app，係iPad度都可以用得返，之不過就resolution細d，無咁清。iPad有個function係可以Zoom返大d係iPhone run既app，好似時時用開既facebook app同twitter app。另外，蘋果日報果app都未支援iPad，不過用尼個Zoom Function都可以繼續看。另外，平時如果係app store見到個app側邊有個(+)字，就代表個app係支援Iphone同IPad，買這些app就唔駛俾重複既錢。

買iPad，很多人都是想當iPad作為ebook reader，我就介紹GoodReader for iPad，尼個係一個Paid App，不過就真係十分值得買。用佢看PDF既檔案，比用Apple自家出既iBook更加之好同方便。佢support係iTunes真接drag落iPad度，對唔想sync iPad既朋友真係一個喜訊！

另一個就係iSilio，係一個在Palm時期已經很出名既app。始終現在很多雜誌都係行pdb 檔，Isilio都係非常好既選擇。而且，我自Palm年代開始已經有閱讀電子書既習慣，屋企都有一個小型的圖書館。另一個我自己都很常用既就係Touch eBook，佢都support pdb file的，但只限比較簡單既pdb file，如果有menu的pdb file就唔support。但點解我仲介紹尼個app，原因係佢有一個好多書既online bookstore。

唔知大家喜唔喜歡看漫畫呢？我自己就十分之喜歡看港漫同日漫，例如天子、海虎、One Piece等。那iPad就真係一個十分之好既Comic Reader啦，因為iPad個screen大，一版剛好fit哂落個Screen度。現在我用緊一個叫Cloud Readers既Comic Reader App，佢可以有得俾你選向左flip定向右flip本漫畫，我自已覺得Cloud Readers比果個叫Comiczeal好用，因為佢同之前介紹既GoodReader、Isilio一樣，都係成個file就咁由iTunes drag入去部iPad度就用到。

Hmm...最後我就講下睇Video睇Movie，眾所周知iPad、iPhone係要用MP4既格式先可以播放影片，所以如果想要係iPad度睇電影就要係電腦度將如rvmb既file轉做MP4 file，都幾麻煩。係網上forum度話有一個App係可以係iPad直讀rvmb file，佢叫做O Player。其實自己係iPhone度都用過O Player，但效果都係唔太理想，就係播時聲畫唔同步。開頭想可能因為我那部係iPhone 3G所以有尼個情況，所以我決定係iPad都試下O Player係iPad既版本。沒有錯，播rvmb係播到，但都係有聲畫唔同步既情況，所以我都係放棄了。另一個很多人談論既App係叫AirVideo，佢係用streaming既方法，由你部電腦stream video去你部iPad。如果係rvmb等format，佢就有即時convert既功能可以等你一路看一路convert，效果等於Live看Video咁。佢同時support 3G或者wifi live streaming，係街到看效果都是一樣的，但切記最好你個Data Plan係無限，唔係就很容易爆Data。

另外，我自己一路係iPhone都用緊Sling Player Mobile。換言之，用iPad我都可以一路看電視。 但係首要條件係屋企都要有Slinbox，我自己屋企就用開Slingbox Pro，所以差不多所有電視台，包括TVB、ATV、Now及Cable TV，我自己都可以看到，十分之正。

除了這些，如果你喜歡看newsgroup，記得安埋NewsTap，佢可以subscribe幾個servers．同同outlook express看newsgroup都差唔多。我自己就常看twonil、TV Group等著名newsgroup，睇下人地吹下水都幾過癮。

後記: 這篇寫下寫下都寫左幾日，差不多iPhone 4就出。自己就心思思想買，因為用緊部iPhone 3G真係好慢同埋聽到電訊商回收iPhone 3G個價都幾唔錯。我最喜歡係iPhone 4個影相功能，拍snap shot一流。另外，當然係佢個電量，我現在用部3G想上Google Map用GPS搵路，一陣就已經無電。聽聞iPhone 4舊電都幾強勁，我想都應該可以滿足到我。另外，因為我部iPad係3G版，如果用iPhone 4可以用佢share data既function俾iPad上網，看來都幾吸引。我自己就唔太擔心佢個接收唔好既問題，始終加個膠套就已經解決左。現在都係等我看看這幾天既發展情況，睇下會唔買iPhone 4先。