米埔

一個細細過就常常聽到既地方。不過，

要來米埔就唔係時時都有機會，因為米埔係一個保育區，係要申請先可以來的。

今年2012年既1月1日，新一年既第一日，我就有機會來到這個自細就聽到既地方。

係禽流感既威脅下來米埔，聽係來好像很冒險咁，但係機會難得，當然不容放棄。

雖然我同朋友報既導賞團下午先開始，但係我同女朋友一早就要出發。首先，我們到元朗食早餐，之後就係朗日路新元朗中心對外既巴士站搭76K出發去米埔。車程只不過係二十分鐘左右，但係下了車都要行大約三十分鐘左右才到達保護中心。不過沿途已經慢慢感受到一片既鳥語花香。還未去到，已經看到很多三五成群既雀仔在樹上休息。這些雀仔都係之前在市區沒有見過的。

發覺原來很多人假日都喜歡到米埔附近看雀仔。有些人踏單車來, 有些就駕車入來看。所以行入去集合地點都有很多車往來。

今天帶了一支長鏡一同來，但都知道要影到的機會很渺茫，我想最少支鏡要400mm以上，先叫影得清楚。作為一個攝影新手，400mm既鏡真係奢侈品。如果真係有興趣，將來真的要加入多些攝影器材。

雖然已經一早就出發，但來到集合地方都只係剛剛好。據我所知，今日所報既紅樹林浮橋之旅，十二歲以下既小童係唔參加得的，可能係驚小朋友難控制，時時跑來跑去有危險。

我們今次既團係有導遊的。看得出佢係一個很有熱誠同對雀鳥很有知識的人。之前一路都以為紅樹林係紅色的，原來係因為那種植物流出來既汁液同空氣產生氧化，之後會變成紅色。而紅樹林就係孕育出動植物最主要既原素。因為有紅樹林，很多動物同魚類都會在那裡棲息，自然就吸引雀鳥來到過冬。

以下係一些當日影既照片:

面對成千上萬既雀鳥，真係有感大自然的偉大。自己是一個十分喜歡動物同愛護動物既人，如果將來這片美好的土地被破壞，真是十分之可惜。

最後，除了雀鳥，我想介紹以下的一種魚類給大家認識。大家知不知道是什麼魚來?

佢叫彈塗魚，以前常常都聽到佢的名字，但就沒有機會見過。今次米埔之行就有機會見到，不只是一條，而是成千上萬，放眼望去，好像一片大海一樣。我想彈塗魚都是吸引那麼多雀鳥來的原因。

我的志願

我相信每個人讀書時都寫個我的志願。我都唔例外,很久很久之前,小學老師都有要求同學寫我的志願是什麼。當時我的志願不是什麼會計師、律師,而是做一位足球員。

琴日聽到一單新聞十分之感觸, 一位前香港足球員蔣世豪在家墮樓身亡。在香港做足球員從來都沒有保障。如果我當時不顧一切去做足球員,現在會是如何?我真是想不到。足球從來都是我的夢想,而夢想永遠都是脫離現實。有時放棄夢想並不是錯,此路不通唔通依然要撞埋去?

記得大學時自己的興趣是讀經濟,覺得demand, supply的圖表十分之好玩,再加上當時經濟科的成績十分之好,所以希望第二年揀主修科時修讀經濟。當時父母十分之反對,認為修讀經濟將來出路十分之狹窄,而堅持我選修會計。如果當時不聽父母的意見,究竟我會怎樣呢？

年青人是反叛的,但作為父母有時真的要幫子女做一些選擇。當時的我真的怎樣都不懂,沒有能力去判斷。雖然若干年之後我都沒有從事會計,但那時候我已經有足夠的能力去判斷同去承擔。 時時去會計的討論區都聽到有些未入行的人批評一班做了一段時間的會計人「唱衰」會計業去使少些人入行去搶飯碗,但很多時他們都忽視了很多事情其實都是他們的經驗之談。

我在這裡奉勸未入行的人,不聽老人言真是會吃虧在眼前的。

- Posted using BlogPress from my iPad

拖肥十二歲生日

今日係拖肥十二歲生日。

但今年佢十分之可憐,因為佢生日果日整親隻腳,要去睇醫生。醫生話佢菠蘿蓋移左位,最好都係做手術。不過佢十二歲去做手術,我都有些少驚同擔心。 對我來講,佢是我的最愛。見到佢行路都十分之辛苦，覺得十分之心痛。

每一年我的生日願望都是希望佢健健康康開開心心。 我最希望可以多些時間陪下佢,始終對於佢來說，我就是佢的全部。 幸好這幾天是假期,我可以留在家陪佢。 希望拖肥可以快些好返,之後可以同佢去街街玩。

- Posted using BlogPress from my iPhone

元朗行

 

星期六因為要去元朗一間中學教學，所以有機會去元朗一趟。

元朗確實是一處美食天堂。元朗大街兩旁都有很多東西食。今日連甜品在內，吃了三間餐廳。有些可能都有些名氣，有些可能只是茶餐廳，但一般來說，都比在市區食好食很多。香港市區的租金可能真是太貴，很多餐廳都將貨就價，食材可能因此並不是最上乘。

當日下午由於時間關係只可以在元朗西鐵站附近找了一間泰國野食，裝修並不是十分之豪華，只是街頭的一間小食店。我叫了碟炒金邊粉都只是三十多元，但是火喉十足，而且炒得相當均勻。相較早前係中環既翠河食過的炒麵，又一些咸，又一些沒有味，這裡的炒粉十分之有水準。

晚上教學完了之後去了近大坑渠側的岩手拉麵，食過都幾好。麵身很爽，湯底濃郁，而且價錢十分之便宜，只是三十多元。另外都叫了一份海膽薯餅，都十分之香脆。自己十分之喜歡日本野食，這間店雖然十分之細，得十個坐位左右，但水準都算唔錯。

食完拉麵之後，就去了食B仔涼粉，但唔係食佢個招牌菜，而係食佢既燉蛋。如果佢同出名既義順比，佢有過之而無不及。蛋身十分之滑，唔會好似水咁。唔記得之前係邊到食過，十分之差，燉蛋好似水咁。不過這裡就十分之唔錯！

如果大家有時間，就多些去元朗行下，可能你會發現更多好野食的。

- Posted using BlogPress from my iPad

撳錢

 

很久沒有一個電視節目令到我看得咁投入。為了這個節目，我差不多夠鐘就準時回家。為了這個節目，我全家總動員，一個就負責撳制，一個就負責監察Facebook及newgroup群組，兩手準備去「應付」這個節目。

究竟這個是什麼節目可以令到我再寫久違了既博客，真係不吐不快？

這個節目就是Now全新既電視遊戲節目 – 撳錢。撳錢究竟有什麼吸引？吸引既地方除了每晚都有機會贏得十萬蚊之外，另外就係可以全家人一齊搵答案，一齊投入玩這個遊戲。我贏過未？我都想呀！不過次次都係輸在第四條度，其他我完全識得答哂的！不過其實都唔係我見識廣博，而係現在是一個Web 2.0的世代，很多事情都是靠網絡力量，找答案要靠Google，唔識就要上Facebook或Newsgroup問人攞意見。一個人力量有限，但集眾人之力當然勝過十個諸葛亮啦！希望可以有機會贏到啦！

希望在明天，所以現在每晚都要十時半前返到屋企，唔OT啦！

可憐的拖肥

今日一早拖肥就扭計，唔俾我返工呀！

發出咁可憐既聲音，真係唔捨得留佢係屋企呀。真係想可以多些時間和佢玩。希望今個星期六或者星期日天氣和暖，可以帶佢出去玩啦！

依家拖肥已經十一歲，年紀比較大，所以出去都是小心些，要著多些衫。

拖肥你係我的最愛!

I LOVE YOU!

南生圍

南生圍 - 一處我想去很久的地方。

聽聞這裡是香港其中一處攝影影點。因為四周都長滿蘆葦，加上一大片濕地及紅樹木，對於拍攝人像特別有一番味道。

記得已經講過無數次，一定要到那裡一趟，但最終都因為種種原因未能成行。不過，可能要再一次看到這次美景，要等十年八年了...

(PS:上圖是這位網友的作品)

上個星期「一宗」(其實是兩宗)山火，差不多摧毀了整個南生圍。從攝影札記的照片看到，一大片蘆葦已經燒毀了。

十分之令人心傷。郊外美景，是香港人的遺產。不知那裡來缺德的人留下火種引起，還是有些想在這裡發展的人刻意將那裡燒毀!一個月內17次山火，絕對不是偶然的。不過這些要查，根本政府部門就不會去理會。這個政府要「牠們」去做些保育工作，真係談何容易？很多香港人的回憶、寶藏，「牠們」都是除之而後快，以免阻礙發展大計。現在真是「天助佢也」，地就已經夷平了，前面還有什麼阻礙?

為了保護香港留下來的瑰寶，我們不要坐以待斃，要起來去保護所有碩果僅存的人間樂土。

facebook群組：萬人聯署‧決不讓南生圍淪陷！

facebook：南生圍現況

蘋果日報：城規會否決南生圍修定

南生圍山火焚燒 9小時

連續兩日山火　生態嚴重受損火燒南生圍　鸕鶿大逃亡