拖肥十歲生日

今天係我最愛既拖肥十歲生日，作為主人我趁下午食飯時間去了銅鑼灣Dog One Life買了一個雞味蛋糕係「呀仔」，仲買了兩個玩具俾佢做生日禮物！雖然Lunch Time係趕d，而自己只係夠時間食了一個麥記包，但我都覺得十分之值得。

    

係唔係好好味呢？最緊要係佢鐘意食，我一見到佢開心果樣，什麼唔開心都唔記得了。今天雖然又是非我所願工作到很夜先可以收工，亦都是再一次唔能夠在重要的時候慶祝，我希望「仔仔」唔會怪我啦！

「呀仔」都好似幾鐘意隻雞脾。我一返來第一年事就是送了隻雞脾俾佢玩，佢都玩得很開心呀。一搶就搶了入房玩，驚人搶返佢甘。扮下野搶佢，佢就呼我，哈哈．．．

不過「衰仔」似乎都是喜歡食多些，你睇佢果樣金精火眼望到個蛋糕實一實，幾甘開心～～～

拖肥生日快樂!祝你身體健康, 開開心心!

今日係拖肥既生日，我已經準備了份生日禮物俾佢。我想佢應該會鐘意的。

希望今日早些放工，可以早些返來同佢慶祝！

不離不棄

星期二就是拖肥的十歲生日，現在打算買個狗仔蛋糕等佢開心一下。佢現在都真係比以前老了，行動都沒有以前甘活躍。我都唔俾佢jump上jump落。佢隻腳腳唔多好，有少少八字腳。醫生話如果佢老生d就已經幫佢做手術。

希望星期二可以早走些，因為佢係我最重要的拖肥。在我最唔開心，最唔開心的時候，佢就是在我的身邊不離不棄。

拖肥都上網?????

身體不適，整天都在家，加上全日都在下大雨，心情都是麻麻地。電視又沒有什麼野看，看了一陣Lost Season 5最新那集，真的很刺激同完全估佢唔到。之後就沒有什麼野做，等了又等，連拖肥都悶到要走去上網。

 

今天很慘，身體仲未好返，最慘係條脷很痛，連食什麼野都痛。全日只係食了很少野，一碗少少的魚蛋河。唉，所有其他野都食唔到。現在連人飲水同講野都痛，很嚴重，好辛苦。

剛剛在Iphone看新出的Open Rice App。有好多野睇，出街食野一定靠佢。佢比其他同類的App好就是那個勁大的食評data base。本來之前都想試下西灣河的大Sushi，但原來佢既服務係甘差的，好彩有open rice。

病了

終於到我病了，很頭暈同想嘔。隻眼現在紅哂，見到陽光會覺得很刺眼。之前看了醫生，話感冒有少少發燒。開頭自己以為係食得太多野，因為果日五點多突然醒了，之後好想嘔，前一日食了一整塊牛扒。嘔又嘔唔出，到就來出門返工就嘔了，不過之後我都有返工，因為很多野做。做了半日多，頂唔順就返屋企了。第二日都有返，不過真係很辛苦。今天，因為知道有一個deal最終complete唔到，所以都是要休息。隻眼很辛苦，又紅又留眼淚水。

在這律師事務所返了差不多一年，已經病了四五次。自己之前返工同讀書，身體都沒有甘差的。真的不知道為什麼？可能office d空氣唔太好，自己對空氣又特別敏感所致。媽媽看來已經好了，還suggest我多做運動，買到跑步機返來．．．不過，很貴的。都是自己得閒去做多些運動。

現在唔講了，隻眼一看個screen就勁留眼水，很辛苦，遲些談吧!

實踐

第一日再次返工，真係好唔慣呀。我的假期甘快就完！

媽媽病了，很擔心，佢去了看醫生話感冒菌入腸。如果可以早些放工，要早些返屋企先得。還有，很快拖肥就生日啦，要想想點同佢慶祝先得。很多時候，工作是身不由己，連自己幾時放工都唔知道，真係唔太得。唉，很多野想做而不是講下就算的，是真係會實踐的！唔會再講下就算的，所以我已經同「仔仔」約好了。細路話要買個cake，原來狗仔cake人都食得的。今個星期就去買去訂！

有一樣野係我一路很想做的，但因為我流著會計師既血，擁有會計師的DNA(即是怕冒險，唔真係有把握就唔去做)，思前想後，就是想得太多唔去做。很多野就係怕，唔去出聲。其實，很多時間應該豁出去才會有另一遍天地。有朋友對我說：「如果唔做過，我這一世都會記掛住的！」現在都還算後生，很多野都由頭來過都是ok的。人，就是太多顧累，事事都擔心同人比較，才會唔開心。這幾年，我要專心做好我喜歡既野。

假期

復活節的假期，一陣就過了，十分之唔捨得。唔捨得，都沒有辦法，又要回到現實中，再次投入一份自己唔太鐘意的工作中。已經嘗試過，真的唔太喜歡，這份工作有得有失。失去的比得到的還要多，不過現在唯有等多一年零兩個月。這兩天難得偷閒，沒有出外旅行，反之同些好朋友去了離島玩，現在分享一下一些相片。

同拖肥去了南丫島，不過全程都是抱住佢，因為怕地下污蔑。今次去同上一次去過了一些時候，今次發覺換了小輪公司，在島上已經人很多，走時更加多人，但船就唔係好多。明明Schedule講6:20pm有船，但7pm最後先有，等了十分之夠。

阿婆豆腐花等的人真係多到好緊要，影了一張相就走了，自己都唔係太喜歡食豆腐花的．．．

景色很美，用iphone的camera kit影的，可以係張相度加signature，很方便呢! 如果想去Lamma Island的朋友可以看一看以下的web site:

http://www.oasistrek.com/lamma.htm

另一日去了西貢海下玩，不過因為planning唔夠時間，這個trip沒有風景看。